પત્ની ઐશ્વર્યાના એ શબ્દો જેને સાંભળીને અભિષેકને અનુભવ થયો કે તે નસીબદાર છે

મુંબઈ: ઐશ્વર્યા રાય બચ્ચન શબ્દોની જાદુગર છે. તેણે પોતાના કોમ્યુનિકેશન કૌશલ્યથી જાણીતા હોલીવુડ ટીવી શો હોસ્ટ અને પત્રકારોને પણ પ્રભાવિત કર્યા છે. આવામાં આ સુંદરતા તેના અંગત જીવનમાં પણ તેની આ શક્તિશાળી કુશળતાનો ઉપયોગ કેટલી તેજસ્વી રીતે કરશે તેની કલ્પના જ કરી શકાય છે.

આનું ઉદાહરણ અભિષેક બચ્ચનના તે ઇન્ટરવ્યુમાં પણ છુપાયેલું છે, જેમાં તેણે ખુલાસો કર્યો હતો કે કેવી રીતે તે તૂટી જવાની આરે હતો ત્યારે તેની પત્નીના થોડાક જ શબ્દો તેને તરત જ તે મોડમાંથી બહાર લઈ આવ્યા હતા.

ઐશ્વર્યાએ અભિષેક બચ્ચનને જે શબ્દો કહ્યા તે એવા હતા કે,‘ તેમની ભાવનાઓ સંપૂર્ણપણે સાચી અને પ્રામાણિક હતી. અને સાચું કહું તો દરેક પતિને આવી પત્ની મળવી જોઈએ’. ચાલો અમે તમને આ વિશે વધુ વિગતવાર જણાવીએ. અભિષેકે એક ઈન્ટરવ્યુમાં જણાવ્યું હતું કે, જ્યારે કોવિડ રોગચાળા દરમિયાન તેને વાયરસનો ચેપ લાગ્યો હતો, ત્યારે તેને હોસ્પિટલમાં સાજા થવામાં લગભગ એક મહિનાનો સમય લાગ્યો હતો.

આ પણ વાંચો: નાના યોગ ગુરુના નામથી પ્રખ્યાત 12 વર્ષના રૂદ્રએ 150થી વધુ યોગ આસનો કર્યા

ઘરે આવ્યા પછી તેને ચિંતા થવા લાગી કે બધા પ્રોજેક્ટ બંધ છે અને તે કંઈ કમાઈ રહ્યો નથી. આ ડર તેના મનમાં પ્રબળ થવા લાગ્યો કારણ કે તે અંદરથી વધતો ગયો અને સતત તેના મગજ પર હાવી થતો રહ્યો ગહતો. જે પછીથી તેના વ્યવહારમાં દેખાવા પણ લાગ્યો.

અભિષેકની હાલત જોઈને ઐશ્વર્યાએ તેને ખૂબ જ કઠોર શબ્દો બોલ્યા, જેના કારણે અભિનેતાએ મોટો પાઠ શીખ્યો. જુનિયર બચ્ચનના જણાવ્યા મુજબ, એશે તેને કહ્યું કે તે શા માટે ચિંતિત છે, જ્યારે તેણે આભાર માનવો જોઈએ કે આવા પડકારજનક સમયમાં પણ તેનો પરિવાર ખુશ, સુરક્ષિત અને સ્વસ્થ છે. દરેક વ્યક્તિ તેની નજીક છે.

અભિનેત્રીએ અભિષેકને એ પણ અહેસાસ કરાવ્યો કે કેવી રીતે અન્ય લોકોને આ બધી વસ્તુઓ ન હોવાને કારણે ઘણી મુશ્કેલીઓમાંથી પસાર થવું પડે છે. અભિષેકે ઈન્ટરવ્યુમાં કબૂલ્યું હતું કે તેની પત્નીના આ શબ્દો સાંભળીને તેની વિચારસરણી બદલાઈ ગઈ અને તેને અહેસાસ થયો કે તે ખરેખર કેટલા નસીબદાર છે.