હાર્દિક પંડ્યાના નતાશા સાથે થયા છૂટાછેડા, સોશિયલ મીડિયા પર પોસ્ટ શેર કરીને કરી પુષ્ટિ
Natasa Stankovic Confirmed Divorce: ટીમ ઈન્ડિયાના ઓલરાઉન્ડર ખેલાડી હાર્દિક પંડ્યાએ તેની પત્ની નતાશા સ્ટેનકોવિકથી છૂટાછેડા લઈ લીધા છે. હાર્દિક પંડ્યાએ સોશિયલ મીડિયા પર એક પોસ્ટ શેર કરીને આ માહિતી આપી હતી. નતાશાએ સોશિયલ મીડિયા પોસ્ટમાં લખ્યું છે કે બંને પરસ્પર સહમતિથી અલગ થયા છે. નોંધનીય છે કે, હાર્દિક અને નતાશાના લગ્ન 2020માં થયા હતા. પરંતુ હવે લગભગ 4 વર્ષ બાદ બંને અલગ થઈ ગયા છે. નતાશાએ પોતાની પોસ્ટમાં પુત્ર અગસ્ત્યનો ઉલ્લેખ પણ કર્યો છે.
View this post on Instagram
નતાશાએ ઈન્સ્ટાગ્રામ પર એક પોસ્ટ શેર કરી છે. તેણે લખ્યું, “લગભગ 4 વર્ષ પછી, હાર્દિક અને મેં પરસ્પર સહમતિથી અલગ થવાનો નિર્ણય કર્યો છે. અમે બંનેએ સાથે રહીને પોતાનું સર્વશ્રેષ્ઠ આપ્યું. પરંતુ હવે બંનેએ એક જ નિર્ણય લીધો છે. અમારા માટે આ ખૂબ જ મુશ્કેલ નિર્ણય હતો. અગસ્ત્ય આપણા બંનેના જીવનનો હિસ્સો બની રહેશે. અમે બંને તેને દરેક સંભવ સુખ આપવાનો પ્રયત્ન કરીશું.
હાર્દિક અને નતાશાએ આ જ પોસ્ટ ઈન્સ્ટાગ્રામ પર શેર કરી છે. બંનેએ 2020માં લગ્ન કર્યા હતા. પંડ્યા અને નતાશાના છૂટાછેડાના સમાચાર ઘણા સમયથી ચાલી રહ્યા હતા. પરંતુ હવે બંનેએ પુષ્ટિ કરી છે. પંડ્યા અને નતાશાના લગ્ન 31 મે 2020ના રોજ થયા હતા. તે જ વર્ષે તેમના પુત્ર અગસ્ત્યનો જન્મ થયો. પંડ્યા અને નતાશાએ તેમના કાયદેસરના લગ્ન બાદ લગ્નની શાનદાર ઉજવણી કરી હતી. તેઓએ ઘણા રિવાજો સાથે લગ્ન કર્યા.
નોંધનીય છે કે, તમને જણાવી દઈએ કે IPL 2024 દરમિયાન પંડ્યા ખરાબ તબક્કામાંથી પસાર થઈ રહ્યો હતો. એક તરફ તેનો પરિવાર તૂટી રહ્યો હતો અને બીજી તરફ તેનું પ્રદર્શન બગડી રહ્યું હતું. પંડ્યા ટી20 વર્લ્ડ કપ 2024માં ટીમ ઈન્ડિયા માટે રમ્યો હતો. ટીમ ઈન્ડિયા ચેમ્પિયન બન્યા બાદ તે ખરાબ રીતે રડ્યો હતો અને પોતાની દિલની લાગણી વ્યક્ત કરી હતી.
