રાજ્યમાં ગરમીનો પારો વધ્યો, 13મીએ 6 જિલ્લામાં યલો એલર્ટ જાહેર
અમદાવાદઃ રાજ્યમાં ગરમીનો પારો વધી રહ્યો છે. ત્યારે હિટવેવની આગાહી કરવામાં આવી છે. ત્યારે હવામાન વિભાગે આવતીકાલથી ગરમીમાં આંશિક રાહત મળશે તેવી માહિતી આપી છે.
રાજ્યના હવામાન વિભાગે માહિતી આપતા આગાહી કરી છે કે, આજે કચ્છ, સુરેન્દ્રનગર અને પોરબંદરમાં રેડ એલર્ટ આપવામાં આવ્યો છે. આજે બનાસકાંઠા, સાબરકાંઠા, અરવલ્લી, ગાંધીનગર, અમદાવાદ, આણંદ, બોટાદ, ભાવનગર, અમરેલી, જૂનાગઢ, રાજકોટ, મોરબીમાં ઓરેન્જ એલર્ટ આપવામાં આવ્યું છે. જ્યારે વડોદરામાં યલો એલર્ટ જાહેર કર્યું છે.
13 માર્ચે સુરેન્દ્રનગર, અમદાવાદ, પોરબંદર, કચ્છ, ગાંધીનગર, અમદાવાદમાં યલો એલર્ટની આગાહી કરવામાં આવી છે. ઉત્તર પૂર્વના પવનોને લીધે ગરમીની અસર યથાવત્ રહેશે. આવતીકાલથી 2થી 4 ડિગ્રીનો ઘટાડો થશે. અમદાવાદમાં સિવિયર હિટવેવની અસર રહેશે. જ્યારે અમદાવાદમાં 42 ડિગ્રી તાપમાન રહેશે.
