Gujarat Budget 2025: કૃષિ, ખેડૂત કલ્યાણ અને સહકાર વિભાગ માટે કુલ રૂપિયા 22498 કરોડની જોગવાઇ

Agriculture Department: કૃષિ અને સંલગ્ન ક્ષેત્રોના અવિરત વિકાસ થકી ગુજરાતે સમગ્ર દેશમાં એક આગવી ઓળખ ઊભી કરી છે. રાજ્યનો અન્નદાતા વિવિધ ખેડૂતલક્ષી યોજનાઓ થકી સદ્ધર બન્યો છે. Farmer Registry પ્રોજેકટ હેઠળ 34 લાખથી વધુ ખેડૂતોના ફાર્મર આઇડી જનરેશન પૂર્ણ કરીને ગુજરાતે દેશમાં પ્રથમ સ્થાન પ્રાપ્ત કર્યું છે. ખેડૂતોને વીજ સહાય માટે રૂપિયા 10613 કરોડની જોગવાઇ. કૃષિ યાંત્રિકીકરણ અંતર્ગત મહત્તમ ખેડૂતોને આવરી લેવા ટ્રેક્ટર ખરીદી સહાય માટે રૂપિયા 800કરોડની જોગવાઇ. કૃષિ યાંત્રિકીકરણની મીની ટ્રેક્ટર આધારિત યોજના હેઠળ રાજ્યના તમામ આદિજાતિ અને અનુસૂચિત જાતિના ખેડૂતો માટે ફાર્મ મિકેનાઇઝેશન સહાય વધારવા માટે રૂપિયા 122 કરોડની જોગવાઇ.

પ્રી-ફિઝીબિલિટી રીપોર્ટ તૈયાર કરવાનું આયોજન
કૃષિ યાંત્રિકીકરણના વિવિધ ઓજારોની ખરીદીમાં સહાય આપવા રૂપિયા 590 કરોડની જોગવાઇ. કૃષિ ક્ષેત્રે અદ્યતન ડ્રોન ટેક્નોલોજીના ઉપયોગને પ્રોત્સાહન આપવા અને સીડ રિપ્લેસમેન્ટ રેટમાં વધારો કરવાની યોજના માટે રૂપિયા 82 કરોડની જોગવાઇ. નેનો ખાતરના વપરાશને પ્રોત્સાહન આપવાની યોજના માટે રૂપિયા 73 કરોડની જોગવાઇ. ખરીફ અને રવિ ઋતુમાં પાક પરિસ્થિતિ માટે ડિજિટલ ક્રોપ સર્વેની નવી યોજના અંતર્ગત રૂપિયા 40 કરોડની જોગવાઇ. આદિજાતિ વિસ્તારના 53 તાલુકાઓમાં ખેડૂતોને કૃષિ યુનિવર્સિટીઓના સહયોગથી ખેતરની મુલાકાત લઇ પાકનું સ્વાસ્થ્ય જાળવવા અને ઉત્પાદકતા વધારવા ખેડૂત સુવિધા રથ માટે રૂપિયા 19 કરોડની જોગવાઇ. જમીનમાં ઓર્ગેનિક કાર્બનનો વધારો થાય તે હેતુસર ફર્મેન્ટેડ ઓર્ગેનીક મેન્યોર અને લિક્વિડ ફર્મેન્ટેડ ઓર્ગેનીક મેન્યોરના ઉપયોગને પ્રોત્સાહન આપવા માટે રૂપિયા 10 કરોડની જોગવાઇ. 13 એગ્રી એક્સપોર્ટ ઝોનનો પ્રી-ફિઝીબિલિટી રીપોર્ટ તૈયાર કરવાનું આયોજન.

આ પણ વાંચો: Gujarat Budget 2025: શ્રમ, કૌશલ્ય વિકાસ અને રોજગાર વિભાગ માટે કુલ રૂપિયા 2782 કરોડની જોગવાઇ

રૂપિયા 144 કરોડની જોગવાઇ
ગીર ગાયના આનુવાંશિક ઓલાદ સુધારણા, સંવર્ધન અને સંરક્ષણ માટે પોરબંદરના ધરમપુર ખાતે અત્યાધુનિક સુવિધાઓ ઊભી કરવા રૂપિયા 23 કરોડની જોગવાઇ. પ્રધાનમંત્રી મત્સ્ય સંપદા યોજના માટે રૂપિયા 353 કરોડની જોગવાઇ.દરીયાઈ મત્સ્યોદ્યોગ ક્ષેત્રે વિવિધ સાધન ખરીદી ઉપર સહાય તેમજ અન્ય બાબત માટે રૂપિયા 144 કરોડની જોગવાઇ. આંતરદેશીય મત્સ્યોદ્યોગ માટે રૂપિયા 62 કરોડની જોગવાઇ.એક્વા કલ્ચર ક્ષેત્રે આગામી ત્રણથી પાંચ વર્ષમાં ઝીંગા ઉત્પાદન બમણુ કરવા વિશેષ પેકેજ માટે રૂપિયા 20 કરોડની જોગવાઇ. દરિયાઈ માછલીના ઉત્પાદનોની સ્વચ્છ પરિસ્થિતિમાં જાળવણી માટે બ્લાસ્ટ ફ્રીઝર કોલ્ડ રૂમ માટે રૂપિયા 50 કરોડની જોગવાઇ. આદિજાતિ વિસ્તારમાં મત્સ્ય ખેડૂતોને કેજ કલ્ચરના ઈનપુટ ઓપરેશનલ ખર્ચ માટે રૂપિયા 30 કરોડની જોગવાઇ. ભાંભરા પાણીમાં કેજ કલ્ચર માટે રૂપિયા 30 કરોડની જોગવાઇ. ફીશરીઝ બાયપ્રોડક્ટ પ્રોસેસીંગ યુનિટ માટે રૂપિયા 25 કરોડની જોગવાઇ. સહકાર કેન્દ્રિય બજેટમાં કિસાન ક્રેડિટ કાર્ડમાં ધિરાણની મર્યાદા રૂપિયા 3 લાખથી વધારી રૂપિયા 5 લાખ કરવામાં આવેલ છે. જેના અનુસંધાને રાજ્ય સરકાર દ્વારા 4 % વ્યાજ રાહત આપવા માટે રૂપિયા 1252 કરોડની જોગવાઇ.