અમેરિકાના પૂર્વ રાષ્ટ્રપતિ જિમી કાર્ટરનું નિધન, 100 વર્ષની વયે લીધા અંતિમ શ્વાસ

America: અમેરિકાના 39માં રાષ્ટ્રપતિ જિમી કાર્ટરનું રવિવારે (29 ડિસેમ્બર) 100 વર્ષની વયે નિધન થયું. અમેરિકન મીડિયાએ સોમવારે આ જાણકારી આપી. જીમી કાર્ટર 1977 થી 1981 સુધી અમેરિકાના રાષ્ટ્રપતિ હતા. તેમની પ્રામાણિકતા અને માનવતાવાદી પ્રયાસો માટે તેમને પ્રશંસા પણ મળી. ઈઝરાયલ અને ઇજિપ્ત વચ્ચે શાંતિ સ્થાપવા બદલ તેમને નોબેલ શાંતિ પુરસ્કાર આપવામાં આવ્યો હતો.

ઈઝરાયલ અને ઇજિપ્ત વચ્ચે મિત્રતા સ્થપાઇ હતી
1 ઓક્ટોબર, 1924ના રોજ જન્મેલા કાર્ટર 1977માં આર. ફોર્ડને હરાવીને રાષ્ટ્રપતિ બન્યા હતા. આ સમય દરમિયાન તેમણે મધ્ય પૂર્વ સાથે અમેરિકાના સંબંધોનો પાયો નાખ્યો. રાષ્ટ્રપતિ તરીકેનો તેમનો કાર્યકાળ ઈઝરાયલ અને ઇજિપ્ત વચ્ચે 1978ના કેમ્પ ડેવિડ સમજૂતી માટે શ્રેષ્ઠ રીતે યાદ કરવામાં આવે છે. જેણે મધ્ય પૂર્વમાં થોડી સ્થિરતા લાવી હતી. આ માટે તેમને વર્ષ 2022 માં નોબેલ શાંતિ પુરસ્કાર એનાયત કરવામાં આવ્યો હતો.

ટ્રમ્પ-બાઈડન શ્રદ્ધાંજલિ આપી
જીમી કાર્ટરના અવસાન પર, યુએસ પ્રમુખ જો બાઈડન કાર્ટરને શ્રદ્ધાંજલિ આપી. તેમને તેમના પ્રિય મિત્ર અને સારા નેતા તરીકે યાદ કર્યા. નવા ચૂંટાયેલા રાષ્ટ્રપતિ ડોનાલ્ડ ટ્રમ્પે કહ્યું કે અમેરિકનો પૂર્વ રાષ્ટ્રપતિ પ્રત્યે કૃતજ્ઞતાનું ઋણ ધરાવે છે. જીમી કાર્ટરના અંતિમ સંસ્કાર રાજ્યના સંપૂર્ણ સન્માન સાથે કરવામાં આવશે.

આ પણ વાંચો: વડોદરામાં પતંગની દોરીથી વધુ એક યુવાન ઈજાગ્રસ્ત, સારવાર અર્થે હોસ્પિટલ ખસેડાયો

પરંપરા અનુસાર, અમેરિકી રાષ્ટ્રપતિના અવસાન બાદ સરકારી ઈમારતો પર અમેરિકન ધ્વજ અડધી કાઠીએ લહેરાવામાં આવે છે. આ પરંપરા વ્હાઇટ હાઉસથી લઈને સ્થાનિક શાળાઓમાં અપનાવવામાં આવે છે. અડધી કાઠીએ ધ્વજ રાખવો સમગ્ર રાષ્ટ્ર શોકમાં હોવાનું પ્રતીક છે. જિમી કાર્ટરના નિધનના માનમાં 28 જાન્યુઆરી, 2025 સુધી ધ્વજ અડધી કાઠીએ રહેશે. યુ.એસ. ડિપાર્ટમેન્ટ ઓફ વેટરન્સ અફેર્સ અનુસાર, રાષ્ટ્રપતિ અથવા ભૂતપૂર્વ રાષ્ટ્રપતિના મૃત્યુ પછી 30 દિવસ સુધી યુનાઇટેડ સ્ટેટ્સ અને તેના તમામ પ્રદેશોમાં સંઘીય ઇમારતો, મેદાનો અને નૌકા જહાજો પર ધ્વજ અડધી કાઠીએ રાખવામાં આવશે.