ઝારખંડના પૂર્વ મુખ્યમંત્રી ચંપાઈ સોરેનની તબિયત લથડી, હોસ્પિટલમાં દાખલ
Ex-jharkhand CM: ઝારખંડના પૂર્વ મુખ્યમંત્રી ચંપાઈ સોરેનની તબિયત શુક્રવારે અચાનક બગડી ગઈ હતી, ત્યારબાદ તેમને જમશેદપુરની ટાટા મેઈન હોસ્પિટલમાં દાખલ કરવામાં આવ્યા હતા. સરાયકેલા વિધાનસભા બેઠકના ભાજપના ધારાસભ્ય ચંપાઈ સોરેને સોશિયલ મીડિયા પર પોતાના સ્વાસ્થ્ય વિશે માહિતી આપી અને કહ્યું કે ડોક્ટરોએ ચિંતા કરવા જેવું કંઈ કહ્યું નથી. સરાયકેલા વિધાનસભા બેઠકના ભાજપના ધારાસભ્ય ચંપાઈ સોરેન છેલ્લા કેટલાક દિવસોથી બીમાર છે. પેટની બીમારીને કારણે સોરેનને હોસ્પિટલના ઇમરજન્સી વોર્ડમાં દાખલ કરવામાં આવ્યા હતા.
स्वास्थ्य संबंधित जटिलताओं की वजह से आज सुबह मुझे टाटा मेन हॉस्पिटल (जमशेदपुर) में भर्ती किया गया है। डॉक्टरों के अनुसार चिंता की कोई बात नहीं है।
अब काफी बेहतर महसूस कर रहा हूँ और बहुत जल्द, पूर्णतः स्वस्थ होकर, आप सभी के बीच वापस आऊंगा। pic.twitter.com/jGNaaTeYa9
— Champai Soren (@ChampaiSoren) January 17, 2025
પૂર્વ મુખ્યમંત્રીએ પોતાના સ્વાસ્થ્ય વિશે શું કહ્યું?
સોશિયલ મીડિયા પ્લેટફોર્મ ‘X’ પર એક પોસ્ટમાં, સોરેને કહ્યું, સ્વાસ્થ્ય સંબંધી ગૂંચવણોને કારણે, મને આજે સવારે ટાટા મેઈન હોસ્પિટલ (જમશેદપુર)માં દાખલ કરવામાં આવ્યો છે. ડોક્ટરોના મતે, ચિંતા કરવાની કોઈ વાત નથી.” તેમણે કહ્યું, “હવે હું ઘણો સારો અનુભવ કરી રહ્યો છું અને ખૂબ જ ટૂંક સમયમાં હું સંપૂર્ણપણે સ્વસ્થ થઈને તમારા બધા વચ્ચે પાછો આવીશ.”
ગયા વર્ષે ઓક્ટોબરમાં પણ તેમની તબિયત બગડી હતી
અગાઉ, ચંપાઈ સોરેનને ગયા વર્ષે ઓક્ટોબરમાં અચાનક તબિયત બગડવાના કારણે જમશેદપુરની એક હોસ્પિટલમાં દાખલ કરવામાં આવ્યા હતા. તે સમયે સુગર લેવલ વધવાને કારણે તેમની તબિયત લથડી ગઈ.
