બ્રિટનના પૂર્વ PMએ કર્યા વડાપ્રધાન નરેન્દ્ર મોદીના વખાણ, કહ્યું – તેમની પાસે છે ભવિષ્યનો સ્પષ્ટ પ્લાન
India: બ્રિટનના પૂર્વ વડાપ્રધાન ડેવિડ કેમરૂને એક કાર્યક્રમ દરમિયાન ભારતના વડાપ્રધાન નરેન્દ્ર મોદીના વખાણ કર્યા છે. તેમણે કહ્યું કે નરેન્દ્ર મોદી પાસે ટેક્નોલોજી અને ભારતના ભવિષ્ય માટે સ્પષ્ટ યોજના છે. તેમણે એમ પણ કહ્યું કે પીએમ મોદીની ત્રીજી વખત ચૂંટણી એ દર્શાવે છે કે તેઓ વાસ્તવિક પરિવર્તન લાવવામાં સફળ રહ્યા છે.
ડેવિડ કેમરોને ભારપૂર્વક જણાવ્યું હતું કે કોઈપણ દેશના વિકાસ માટે તેના આર્થિક વિકાસ, ઈન્ફ્રાસ્ટ્રક્ચરમાં સુધારો અને દેશના ભવિષ્ય માટે સ્પષ્ટ યોજના હોવી ખૂબ જ જરૂરી છે. મોદીના વિચારોના વખાણ કરતા કેમરને એમ પણ કહ્યું કે જો તમારી પાસે ભવિષ્ય માટે સ્પષ્ટ નીતિ નથી તો તમે જૂની બાબતોમાં અટવાયેલા રહો છો.
પીએમ મોદીની વાત સાંભળીને કેમરન પ્રભાવિત થયા હતા
કેમરનના ભાષણ પહેલા વડાપ્રધાન નરેન્દ્ર મોદીએ પોતાનું સંબોધન આપ્યું હતું. કેમરને કહ્યું કે વડાપ્રધાન નરેન્દ્ર મોદીનું ભાષણ સાંભળીને ખૂબ જ આનંદ થયો. ત્રીજી ટર્મ માટે તેમનો ઉત્સાહ ઘણો પ્રભાવશાળી છે, કેમરોને વધુમાં જણાવ્યું હતું કે બ્રિટનમાં ટોની બ્લેર અને માર્ગારેટ થેચર પછી કોઈ વડાપ્રધાને ત્રણ ટર્મ પૂરી કરી નથી.
અગાઉ, સમિટમાં બોલતી વખતે પીએમ મોદીએ 2047 સુધીમાં વિકસિત ભારત માટેની તેમની યોજના શેર કરી હતી અને તેમના ત્રીજા કાર્યકાળના પ્રથમ 125 દિવસમાં તેમની સરકારની સિદ્ધિઓની ગણતરી કરી હતી.
આ પણ વાંચો: પાકિસ્તાન નહીં બને કાશ્મીર, અમને ઈજ્જતથી રહેવા દો… આતંકી હુમલા બાદ ભડક્યા ફારુર અબ્દુલ્લા
કેમરૂને ભારતના લોકતંત્ર વિશે કહ્યું કે ભારતની લોકશાહી ઘોંઘાટીયું છે અને તેમાં વિવાદો થતા રહે છે. આવી સ્થિતિમાં તેમણે ભવિષ્ય માટે સ્પષ્ટ યોજનાઓ બનાવવા માટે નેતાઓ પર ભાર મૂક્યો. “તમારી પાસે જેટલું વધુ આયોજન છે, તેટલું સારું તમે ઘોંઘાટમાં કામ કરી શકો છો,”.
