કોલકાતાની હોસ્પિટલમાં મહિલા ડૉક્ટરની હત્યાનો મામલો હાઈકોર્ટમાં પહોંચ્યો, આવતીકાલે થશે સુનાવણી

Female Doctor Murder: પશ્ચિમ બંગાળના કોલકાતામાં મહિલા ડૉક્ટરની હત્યા કેસમાં ભાજપના નેતા અને કોલકાતા હાઈકોર્ટના વકીલ કૌસ્તવ બાગચીએ કોર્ટમાં અરજી દાખલ કરી છે. તેમણે આ મામલે સીબીઆઈ તપાસની માંગ કરી હતી અને તમામ મેડિકલ કોલેજો, હોસ્પિટલો અને રેસ્ટ રૂમોમાં યોગ્ય સુરક્ષા સાથે સીસીટીવી કેમેરા લગાવવાની વિનંતી કરી હતી. આ અરજી પર આવતીકાલે મંગળવારે સુનાવણી થશે. હાઈકોર્ટના ચીફ જસ્ટિસ ટીએસ શિવગનમની બેન્ચે આ માહિતી આપી હતી. આ સાથે વકીલ ફિરોઝ એદુલજીએ પોલીસ તપાસમાં ભૂલો હોવાનો આક્ષેપ કર્યો છે અને તેમણે કોર્ટને કહ્યું કે તેઓ કેસની સુનાવણી દરમિયાન આ સંદર્ભમાં દલીલો રજૂ કરશે.

West Bengal #BJP leader and advocate of Calcutta High Court #KaustavBagchi filed a petition in the High Court, demanding a CBI probe into the rape-murder of a #PGtraineewoman doctor at #RGKarMedicalCollege and Hospital in Kolkata; also requests for installation of CCTVs in all… pic.twitter.com/LCuPyJQbJ5

— cliQ India (@cliQIndiaMedia) August 12, 2024

નોંધનીય છે કે, કોલકાતાની આરજીકર મેડિકલ હોસ્પિટલમાં મહિલા ડોક્ટરની હત્યા બાદ મેડિકલ કોલેજના ડોક્ટરો અને વિદ્યાર્થીઓ સતત રસ્તાઓ પર વિરોધ પ્રદર્શન કરી રહ્યા છે. જુનિયર ડોકટરો, ઈન્ટર્ન અને અનુસ્નાતક તાલીમાર્થીઓ આ સમગ્ર મામલે મેજિસ્ટ્રેટ તપાસની માંગ સાથે હડતાળ પર છે. આ ભયાનક ઘટના બાદ આરજી કાર મેડિકલ કોલેજ હોસ્પિટલના પ્રિન્સિપાલે પોતાના પદ પરથી રાજીનામું આપી દીધું છે.

શું છે સમગ્ર મામલો
આરજી કાર મેડિકલ કોલેજ-હોસ્પિટલમાં એક જુનિયર ડૉક્ટર સામે નિર્દયતાની ઘટના ગુરુવાર-શુક્રવારની વચ્ચેની રાત્રે બની હતી. મૃતક મેડિકલ કોલેજના ચેસ્ટ મેડિસિન વિભાગના બીજા વર્ષનો અનુસ્નાતક વિદ્યાર્થી અને તાલીમાર્થી ડોક્ટર હતો. ગુરુવારે પોતાની ડ્યુટી પુરી કર્યા બાદ રાત્રે 12 વાગે મિત્રો સાથે જમ્યા હતા. ત્યારપછી મહિલા તબીબનો કોઈ પત્તો લાગ્યો ન હતો. શુક્રવારે સવારે ચોથા માળે આવેલા સેમિનાર હોલમાંથી ડોક્ટરની અર્ધ નગ્ન લાશ મળી આવતાં મેડિકલ કોલેજમાં ખળભળાટ મચી ગયો હતો. ઘટનાસ્થળેથી મૃતકનો મોબાઈલ ફોન અને લેપટોપ મળી આવ્યા હતા. પ્રારંભિક પોસ્ટમોર્ટમ રિપોર્ટમાં ખુલાસો થયો છે કે મહિલા ડૉક્ટર સાથે બળાત્કારની ઘટના બની હતી. જુનિયર મહિલા ડોક્ટરની લાશ ગાદલા પર પડી હતી અને ગાદલા પર લોહીના ડાઘા જોવા મળ્યા હતા. પ્રારંભિક પોસ્ટમોર્ટમ રિપોર્ટમાં જણાવાયું છે કે મૃતક મહિલા ડૉક્ટરને તેના મોં અને બંને આંખો પર ઈજાઓ હતી. પ્રાઈવેટ પાર્ટ પર લોહીના નિશાન અને ચહેરા પર નખના નિશાન જોવા મળ્યા હતા. હોઠ, ગરદન, પેટ, ડાબા પગની ઘૂંટી અને જમણા હાથની આંગળી પર ઈજાના નિશાન હતા.