Pakistanની સુપ્રીમ કોર્ટમાં પૂર્વ PM Imran Khanને Kejriwalને યાદ કર્યા, જાણો શું કહ્યું

Pakistan Politics: જેલમાં બંધ પાકિસ્તાનના પૂર્વ વડાપ્રધાન ઈમરાન ખાને ગુરુવારે સુપ્રીમ કોર્ટમાં કેસની સુનાવણી દરમિયાન દિલ્હીના મુખ્યમંત્રી અરવિંદ કેજરીવાલના કેસનું ઉદાહરણ આપ્યું હતું. તેમણે ભારતમાં લોકસભાની ચૂંટણીમાં પ્રચાર કરવા માટે દિલ્હીમાં સીએમ કેજરીવાલને જામીન મળ્યાનું ઉદાહરણ આપ્યું હતું.

ઇમરાન ખાન ગુરુવારે નેશનલ એકાઉન્ટેબિલિટી ઓર્ડિનન્સમાં સુધારા સંબંધિત કેસમાં ચીફ જસ્ટિસ કાઝી ફૈઝ ઈસાની આગેવાની હેઠળની પાંચ સભ્યોની બેંચ સમક્ષ હાજર થયા હતા. પાકિસ્તાન તહરીક-એ-ઈન્સાફ પાર્ટીના અધ્યક્ષે એપ્રિલ 2022 માં વડા પ્રધાન પદ પરથી રાજીનામું આપ્યું ત્યારથી ઉત્પીડનની ફરિયાદ કરી હતી. જસ્ટિસ અમીનુદ્દીન ખાન, જસ્ટિસ જમાલ ખાન મંડોખેલ, જસ્ટિસ અતહર મિનાલ્લા અને જસ્ટિસ સૈયદ હસન અઝહર રિઝવી પણ બેન્ચમાં સામેલ છે.

જસ્ટિસ મિનાલ્લાએ કહ્યું કે તે દુર્ભાગ્યપૂર્ણ છે કે ખાન જેલમાં છે જ્યારે તે એક મોટી પાર્ટીના વડા છે જેના લાખો સમર્થકો છે. ખાને (71) ઉલ્લેખ કર્યો હતો કે ભારતમાં સામાન્ય ચૂંટણીઓ દરમિયાન દિલ્હીના મુખ્ય પ્રધાન અરવિંદ કેજરીવાલને સુપ્રીમ કોર્ટ દ્વારા જામીન પર મુક્ત કરવામાં આવ્યા હતા જેથી તેઓ તેમની પાર્ટી માટે પ્રચાર કરી શકે પરંતુ તેમણે (ખાન) પાકિસ્તાનમાં અત્યાચારનો સામનો કર્યો જ્યાં અઘોષિત માર્શલ લૉ લાગુ કરવામાં આવ્યો હતો .

પૂર્વ PMએ સુપ્રીમ કોર્ટમાં આ ફરિયાદ કરી હતી
ઇમરાન ખાને ફરિયાદ કરી હતી કે 8 ફેબ્રુઆરીએ યોજાયેલી પાકિસ્તાનની સામાન્ય ચૂંટણીઓથી દૂર રાખવા માટે તેને પાંચ દિવસમાં દોષિત ઠેરવવામાં આવ્યા હતા. ભૂતપૂર્વ વડા પ્રધાને સુપ્રીમ કોર્ટના આદેશ પર પણ નારાજગી વ્યક્ત કરી હતી જેમાં કેસના ‘લાઇવ સ્ટ્રીમિંગ’ માટે ખૈબર પખ્તુનખ્વા સરકારની વિનંતીને નકારી કાઢવામાં આવી હતી.

આ પણ વાંચો: લો બોલો… મોદીના ફરીથી PM બનવા પર પાકિસ્તાનમાં ભય! કરવા લાગ્યું શાંતિની વાત

ઇમરાન ખાને ચીફ જસ્ટિસને કહ્યું, ‘તમે (ચુકાદામાં) લખ્યું હતું કે મેં છેલ્લી સુનાવણી દરમિયાન રાજકીય લાભ લેવાનો પ્રયાસ કર્યો હતો. મને સમજાતું નથી કે મેં શું રાજકીય ફાયદો ઉઠાવ્યો.’ આના પર મુખ્ય ન્યાયાધીશે કહ્યું કે જજને નિર્ણય પર કોઈ સ્પષ્ટતા કરવાની ફરજ નથી. તેમણે કહ્યું કે, ‘તમે નિર્ણયની સમીક્ષા માટે અરજી દાખલ કરી શકો છો.’

પીટીઆઈના અધ્યક્ષે કહ્યું કે સુપ્રીમ કોર્ટે નેશનલ એકાઉન્ટેબિલિટી બ્યુરો (એનએબી) માટે અધ્યક્ષની નિમણૂક કરવી જોઈએ. તેમણે કહ્યું, ‘જ્યારે વિપક્ષ અને સરકાર બ્યુરોના અધ્યક્ષની નિમણૂક માટેના નામ પર સર્વસંમતિ સાધવામાં નિષ્ફળ રહ્યા છે, ત્યારે ત્રીજી વ્યક્તિ નિર્ણય લઈ રહી છે અને ભ્રષ્ટાચાર વિરોધી સંસ્થા આ વ્યક્તિ હેઠળ કામ કરી રહી છે.’ તેના પર જસ્ટિસ મિનાલ્લાએ કહ્યું, ‘એનએબીમાં થયેલા સુધારાને ગેરકાયદે જાહેર કરવાનું કોઈ કારણ નથી.’ તેમણે NABમાં સુધારાની અપીલ કરી હતી.

ઈમરાન ખાને કોર્ટને અપીલ કરી હતી કે જેલમાં તેમને આપવામાં આવેલી સુવિધાઓની તુલના પૂર્વ વડાપ્રધાન નવાઝ શરીફને આપવામાં આવેલી સુવિધાઓ સાથે કરવામાં આવે. જોકે, જસ્ટિસ મંડોખેલે હળવા સ્વરમાં કહ્યું કે નવાઝ શરીફ હાલમાં જેલમાં નથી, ‘શું તમે ઈચ્છો છો કે અમે તેમને જેલમાં મોકલીએ?’ મુખ્ય ન્યાયાધીશે કહ્યું કે ન્યાયિક અધિકારીની ઓચિંતી મુલાકાત માટે કોર્ટ વ્યવસ્થા કરશે.