ધરપકડ પહેલા એલ્વિશની છેલ્લી પોસ્ટ વાયરલ, અંજલીને લઇને કહી’તી આવી વાત
મુંબઈ: એલ્વિશ યાદવ છેલ્લા કેટલાક સમયથી ખરાબ દિવસોમાંથી પસાર થઈ રહ્યો છે. તાજેતરમાં તે એક સાથી યુટ્યુબર પર હુમલો કરવાને કારણે ચર્ચામાં આવ્યો હતો. જોકે પાછળથી તે એક પ્રેંક સાબિત થયો. પરંતુ તે ઝેરી સાપના સપ્લાયના કેસમાં ફસાયેલો છે અને તેની ધરપકડ કરવામાં આવી છે. સોશિયલ મીડિયા પર એક વીડિયો સામે આવ્યો છે જેમાં પોલીસ એલ્વિશ યાદવને કસ્ટડીમાં લેતી જોવા મળી રહી છે. નોઈડા સેક્ટર 51માં રેવ પાર્ટી દરમિયાન સાપના ઝેરના સંબંધમાં 6 લોકો વિરુદ્ધ ફરિયાદ દાખલ કરવામાં આવી છે. હવે આ મામલે પોલીસે કાર્યવાહી હાથ ધરી છે. ધરપકડ પહેલા પણ એલ્વિશ યાદવ સોશિયલ મીડિયા પ્રભાવકો સાથે દલીલ કરતા જોવા મળ્યો હતો.
થોડા સમય પહેલા મેનકા ગાંધી પીપલ ફોર એનિમલ્સે એક સ્ટિંગ ઓપરેશન કર્યું હતું, ત્યારબાદ વન્યજીવ સંરક્ષણ અધિનિયમ અને ભારતીય દંડ સંહિતાની કલમ 120 એ હેઠળ ફરિયાદ દાખલ કરવામાં આવી હતી. આ કેસમાં બાકીના 5 આરોપીઓને પહેલા જ કસ્ટડીમાં લેવામાં આવ્યા છે. હવે આ કેસમાં એલ્વિશ યાદવની પણ ધરપકડ કરવામાં આવી છે.
Anjalians https://t.co/Ax75FIJjVS
— Elvish Yadav (@ElvishYadav) March 16, 2024
ધરપકડ પહેલાની એલ્વિશની છેલ્લી પોસ્ટ
તમને જણાવી દઈએ કે ધરપકડ પહેલા પણ એલ્વિશ યાદવ ઝઘડામાં વ્યસ્ત હતો. તેમની બોલાચાલી સોશિયલ મીડિયા પર્સનાલિટી અંજલિ અરોરા સાથે જોવા મળી હતી. ખરેખરમાં એક વ્યક્તિએ એક પોસ્ટ કરી હતી જેમાં લખ્યું હતું – જર્મની પાસે BMW છે, ઇટાલી પાસે ફેરારી છે, અમેરિકા પાસે ટેસ્લા છે. આપણે ભારતીયો પાસે શું છે? આના જવાબમાં એલ્વિશ યાદવે લખ્યું – એન્જેલિયન્સ. હવે આ શબ્દ પરથી સ્પષ્ટ થાય છે કે અમે વાત કરી રહ્યા છીએ અંજલિ અરોરાની. જ્યારે અંજલિ અરોરાને આ વાતની જાણ થઈ ત્યારે તે પણ ચૂપ રહેવાની નહોતી. તેણે લખ્યું- અને એલ્વિશ આર્મી વિશે શું?
એલ્વિશ યાદવની વાત કરીએ તો તેણે સલમાન ખાનનો શો બિગ બોસ OTT 2 જીત્યો હતો. આ પછી તેની લોકપ્રિયતામાં વધુ વધારો થયો. પરંતુ લોકપ્રિયતા સાથે એલ્વિશ યાદવના વિવાદો પણ વધ્યા. તેનો એક વીડિયો વાયરલ થયો હતો જેમાં તે એક વ્યક્તિને થપ્પડ મારતો જોવા મળ્યો હતો. આ સિવાય જ્યારે તે વૈષ્ણોદેવીના દર્શન કરવા ગયો હતો ત્યારે ટોળાએ તેને પકડીને માર માર્યો હતો.
