Drug Addiction: હિમાચલમાં ઓછા ડ્રગ્સ સાથે પકડાશો તો સજા નહીં થાય!
Drug addiction: હિમાચલ પ્રદેશના પોલીસ વડાએ ડ્રગ્સની સમસ્યાને લઈને મોટું નિવેદન આપ્યું છે. તેમણે કહ્યું છે કે ઓછી માત્રામાં ડ્રગ્સ સાથે પકડાયેલા વ્યસનીઓને ગુનેગારો તરીકે ગણવામાં નહીં આવે. તેમને સુધારવાની તક આપવામાં આવશે. તેમણે કહ્યું કે તેની પાછળનું કારણ એ છે કે એનડીપીએસ એક્ટ હેઠળ નોંધાયેલા કેસોમાં અનેકગણો વધારો થયો છે. તેમણે કહ્યું કે 2014માં 644 કેસ નોંધાયા હતા, જ્યારે 2023માં તેમની સંખ્યા વધીને 2,147 થઈ ગઇ. જે દર્શાવે છે કે સજાથી કોઇ ફેર પડ્યો નથી.
પોલીસ ડેટા અનુસાર, 2023માં NDPS એક્ટ હેઠળ 3118 લોકોની ધરપકડ કરવામાં આવી હતી, જેમાં 103 મહિલાઓ અને 6 વિદેશી હતા. તેમાંથી માત્ર 200 થી 250 પાસે જ વ્યવસાયિક માત્રામાં નશીલા પદાર્થો હતા. અધિકારીએ કહ્યું કે આમાંના મોટાભાગના વ્યસનીઓ તસ્કરો જ છે, જેઓ આ કામ આગામી ડોઝ માટે કરે છે. ડીજીપી અતુલ વર્માએ કહ્યું, ‘આમાંથી કેટલાક ડ્રગ્સના વ્યસની ગુનેગાર નથી. તેઓ સ્વાસ્થ્ય સમસ્યાઓનો સામનો કરી રહ્યા છે. તેઓને NDPS એક્ટની કલમ 64A હેઠળ સુધારવાની તક આપવી જોઈએ, જે પ્રતિબંધિત પદાર્થની ઓછી માત્રા સાથે પકડાયેલા માદક દ્રવ્યોના વ્યસનીઓને કાર્યવાહીથી પ્રતિરક્ષા આપે છે.’ તેમણે કહ્યું કે રાજ્યમાં આ જોગવાઈનો ક્યારેય ઉપયોગ થયો નથી. ડીજીપીએ કહ્યું, ‘ડ્રગ એડિક્ટ્સની ઓળખની પ્રક્રિયા શરૂ કરી દેવામાં આવી છે. એનજીઓ અને નિવૃત્ત અધિકારીઓ કલમ 14A અંગે જાગૃતિ અભિયાનમાં જોડાશે. તેને તબીબી સારવાર દ્વારા સુધરવાની તક આપવામાં આવશે.
