આતંકવાદીઓને મદદ કરનારાઓને બક્ષવામાં નહીં આવે, મનોજ સિંહાએ આપી કડક સૂચના
Jammu-Kashmir News: જમ્મુ અને કાશ્મીરના લેફ્ટનન્ટ ગવર્નર મનોજ સિંહાએ શનિવારે કેન્દ્રશાસિત પ્રદેશમાં તાજેતરના આતંકવાદી હુમલાઓની પૃષ્ઠભૂમિમાં એક ઉચ્ચ સ્તરીય બેઠકની અધ્યક્ષતા કરી હતી અને અધિકારીઓને આતંકવાદીઓને અને તેમના ‘ઇકોસિસ્ટમ’ને ટેકો આપનારાઓને છોડવા નહીં એવો નિર્દેશ આપ્યો હતો.
મનોજ સિંહાની કડક સૂચના
આ કેન્દ્રશાસિત પ્રદેશની સુરક્ષા સ્થિતિને લઈને યોજાયેલી આ બેઠકમાં ઉપરાજ્યપાલે કાશ્મીર વિભાગની વિવિધ વિકાસ યોજનાઓની પ્રગતિની પણ સમીક્ષા કરી હતી. મુખ્ય સચિવ અટલ દુલ્લુ, મુખ્ય સચિવ (ગૃહ વિભાગ) ચંદ્રકર ભારતી, અધિક પોલીસ મહાનિર્દેશક (ADGP-કાયદો અને વ્યવસ્થા) વિજય કુમાર, અધિક પોલીસ મહાનિર્દેશક (ADGP-CID) નીતીશ કુમાર અને પોલીસ અને નાગરિક વહીવટના અન્ય વરિષ્ઠ અધિકારીઓ આ બેઠકમાં ભાગ લીધો હતો.
આ પણ વાંચો: આ દેશમાં ફેલાઈ એવી રહસ્યમય બીમારી, 48 કલાકમાં જ થાય છે મોત
આતંકવાદી ‘ઇકોસિસ્ટમ’નો સફાયો કરવામાં આવશે
સિન્હાએ અધિકારીઓને આતંકવાદી ‘ઇકોસિસ્ટમ’ને ખતમ કરવા માટે સુરક્ષા એજન્સીઓ સાથે સંકલનમાં કામ કરવાનો નિર્દેશ આપ્યો હતો. તેમણે કહ્યું કે જે લોકો આતંકવાદીઓને મદદ કરે છે અને પ્રોત્સાહિત કરે છે અને આતંકવાદીઓની ‘ઇકોસિસ્ટમ’ છે તેમને બક્ષવામાં નહીં આવે.
જમ્મુ-કાશ્મીરમાં આતંકવાદી ઘટનાઓ વધી
તાજેતરના સમયમાં રિયાસી, કઠુઆ અને ડોડા જિલ્લામાં ચાર સ્થળોએ આતંકવાદી હુમલા થયા છે. જેમાં નવ તીર્થયાત્રીઓ અને એક CRPF જવાન શહીદ થયા હતા અને સાત સુરક્ષાકર્મીઓ અને અન્ય ઘણા લોકો ઘાયલ થયા હતા.
