દિલ્હીમાં વરસાદને લઈ એલર્ટ, UP- બિહારમાં ધુમ્મસ…. જાણો હવામાન વિભાગે શું આગાહી કરી
Delhi: દિલ્હી સહિત ઉત્તર ભારતના ઘણા રાજ્યોમાં ઠંડી સાથે ધુમ્મસનો કહેર યથાવત છે. જોકે, રાષ્ટ્રીય રાજધાનીના લોકો માટે રાહતની વાત એ છે કે છેલ્લા બે દિવસથી સવારે ધુમ્મસ લોકોને પરેશાન કરી રહ્યું નથી. હવામાન વિભાગના જણાવ્યા અનુસાર, આગામી દિવસોમાં લોકોને ઠંડીથી રાહત મળવાની શક્યતા છે. હવામાન વિભાગના જણાવ્યા અનુસાર, આગામી બે દિવસમાં દિલ્હી અને તેની આસપાસના વિસ્તારોમાં વરસાદની શક્યતા છે, જેના કારણે તાપમાનમાં વધારો થશે. વિભાગે દિલ્હીમાં આજે ઓરેન્જ એલર્ટ અને 15 જાન્યુઆરી માટે યલો એલર્ટ જારી કર્યું છે. 14 જાન્યુઆરીએ દિલ્હીમાં મહત્તમ તાપમાન ૧૯ ડિગ્રી સેલ્સિયસ અને લઘુત્તમ તાપમાન 7 ડિગ્રી સેલ્સિયસ રહેવાની ધારણા છે.
— RWFC New Delhi (@RWFC_ND) January 13, 2025
હવામાન વિભાગના જણાવ્યા અનુસાર, દિલ્હીના કેટલાક વિસ્તારોમાં સવારે ખૂબ જ હળવા ધુમ્મસની શક્યતા છે. આ ઉપરાંત, 15 જાન્યુઆરીએ દિલ્હીનું મહત્તમ તાપમાન 18 ડિગ્રી સેલ્સિયસ અને લઘુત્તમ તાપમાન 9 ડિગ્રી સેલ્સિયસ રહેવાની ધારણા છે. સાંજે અને દિવસે વરસાદની પણ શક્યતા છે. ૧૬ જાન્યુઆરીએ આકાશ વાદળછાયું રહેશે અને સવારે ખૂબ જ હળવો વરસાદ પડવાની શક્યતા છે.
આ પણ વાંચો: PM મોદીએ દિલ્હીના નારાયણા વિહાર ખાતે લોહરી ઉત્સવ કાર્યક્રમમાં આપી હાજરી
14 જાન્યુઆરીની સવાર રાજસ્થાનના ઘણા વિસ્તારોમાં ગાઢ ધુમ્મસ સાથે શરૂ થઈ. રાજ્યમાં તીવ્ર ઠંડીનો કહેર ચાલુ છે. હવામાન વિભાગના જણાવ્યા અનુસાર, છેલ્લા 24 કલાકમાં ઘણી જગ્યાએ ઝરમર વરસાદ પડ્યો હતો. જયપુરના હવામાન કેન્દ્ર અનુસાર, સોમવાર સવાર સુધીના છેલ્લા 24 કલાકમાં પૂર્વી રાજસ્થાનમાં ઘણી જગ્યાએ હળવો ઝરમર વરસાદ પડ્યો હતો. જ્યારે ઘણા વિસ્તારોમાં ગાઢ ધુમ્મસ છવાયું હતું. પંજાબમાં ખૂબ જ ગાઢ ધુમ્મસ માટે ઓરેન્જ એલર્ટ જાહેર કરવામાં આવ્યું છે. આ ઉપરાંત હવામાન વિભાગે 16 થી 19 જાન્યુઆરી સુધી ગાઢ ધુમ્મસનું એલર્ટ જારી કર્યું છે.
