દિલ્હીના પ્રશાંત વિહારમાં વિસ્ફોટ, 1 વ્યક્તિ ઘાયલ, પોલીસ ઘટનાસ્થળે પહોંચી

Delhi Prashant Vihar Blast: દિલ્હીના પ્રશાંત વિહાર વિસ્તારમાં વિસ્ફોટ થયો છે. દિલ્હી પોલીસને સવારે લગભગ 11.48 વાગ્યે વિસ્ફોટ અંગેનો ફોન આવ્યો હતો, જેના પછી તરત જ મોટી સંખ્યામાં પોલીસ દળોને સ્થળ પર મોકલવામાં આવ્યા હતા. આ સાથે જ ફાયર વિભાગને પણ જાણ કરવામાં આવી હતી. ફાયરની ગાડીઓ પણ ઘટનાસ્થળે મોકલવામાં આવી છે. જેવો વિસ્ફોટ થયો. જરા પણ વિલંબ કર્યા વિના સ્થાનિક લોકોએ પોલીસ કંટ્રોલ રૂમને આની જાણ કરી દીધી હતી. તેમને જણાવવામાં આવ્યું હતું કે પ્રશાંત વિહારમાં બંસી સ્વીટ્સ પાસે બ્લાસ્ટ થયો હતો. માહિતી મળતા જ પોલીસ ઘટના સ્થળે પહોંચી ગઈ હતી. મામલાની તપાસ ચાલી રહી છે. બ્લાસ્ટ ક્યા સ્થળે થયો અને તે કયા પ્રકારનો હતો તે હજુ સુધી જાણી શકાયું નથી. દિલ્હી પોલીસના સૂત્રોના જણાવ્યા પ્રમાણે, આ બ્લાસ્ટ સીઆરપીએફ સ્કૂલની દિવાલ પર થયેલા બ્લાસ્ટ જેવો જ છે. પરંતુ, આ ઓછી તીવ્રતાનો વિસ્ફોટ હતો. એક વ્યક્તિને થોડી ઈજા થઈ છે.

Delhi | "A call regarding a blast was received from the Prashant Vihar area at 11.48 AM today. Fire tenders have reached the site," says Delhi Fire Service.

Details awaited.

— ANI (@ANI) November 28, 2024

એક મહિના પહેલા પણ આ જ વિસ્તારમાં વિસ્ફોટ થયો હતો
આને લગતો એક વીડિયો પણ સામે આવ્યો છે. આ બ્લાસ્ટ દિવસના સૌથી વ્યસ્ત સમય દરમિયાન થયો હતો. નજીકથી વાહનો પસાર થઈ રહ્યા છે. વીડિયોમાં લોકોની ભીડ જોવા મળી રહી છે, જ્યારે પોલીસ તેમને વિસ્તારમાંથી હટાવવામાં વ્યસ્ત છે.

નોંધનીય છે કે, 40 દિવસમાં બ્લાસ્ટની આ બીજી ઘટના છે. આ પહેલા ઓક્ટોબરમાં ઉત્તર-પશ્ચિમ દિલ્હીના પ્રશાંત વિહાર વિસ્તારમાં CRPF સ્કૂલ પાસે વિસ્ફોટ થયો હતો. તપાસની જવાબદારી બાદમાં NIA દ્વારા લેવામાં આવી હતી. આ ઘટનામાં કોઈને ઈજા થઈ નથી પરંતુ મામલાની તપાસ ચાલી રહી છે.