દિલ્હી-NCRમાં શ્વાસ લેવું પણ મુશ્કેલ, આાગામી 72 કલાક અતિશય ભારે
Delhi: દિલ્હીની હવા સતત ‘ઝેરી’ બની રહી છે, જેના કારણે શ્વાસ લેવામાં તકલીફ પડી રહી છે. મંગળવારે પણ દેશની રાજધાનીના ઘણા વિસ્તારોમાં એર ક્વોલિટી ઈન્ડેક્સ (AQI) 300ને પાર કરી ગયો, જે વાયુ પ્રદૂષણની ‘ખૂબ નબળી’ શ્રેણી છે. દિલ્હીના આનંદ વિહારમાં આજે સવારે 7 વાગ્યે AQI સ્તર 317 નોંધાયું હતું. તે જ સમયે, પરિસ્થિતિ વજીરપુરમાં લગભગ સમાન છે. જ્યાં AQI સ્તર 309 નોંધાયું હતું. મધ્ય દિલ્હીમાં પણ શ્વાસ લેવાનું મુશ્કેલ બની રહ્યું છે. મંદિર માર્ગ વિસ્તારમાં આજે સવારે AQI સ્તર 285 નોંધાયું હતું.
સેન્ટ્રલ પોલ્યુશન કંટ્રોલ બોર્ડના જણાવ્યા અનુસાર આગામી 72 કલાકમાં પ્રદૂષણની સ્થિતિ વધુ વણસી શકે છે. AQI ગંભીર શ્રેણી સુધી પહોંચી શકે છે. દિલ્હીમાં પ્રદૂષણ સંબંધિત રોગોના કેસ ઝડપથી વધી રહ્યા છે. દરમિયાન રામ મનોહર લોહિયા હોસ્પિટલના ઓપીડી બિલ્ડિંગમાં દર સોમવારે ચાલતા સ્પેશિયલ પોલ્યુશન ક્લિનિકમાં દર્દીઓ સારવાર માટે આવી રહ્યા છે. બવાના (325), આનંદ વિહાર (317), વઝીરપુર (309), અલીપુર (306) અને આયા નગર (312) દિલ્હીના કેટલાક વિસ્તારો છે. જ્યાં AQI 300ને વટાવી ગયો છે. જે ખૂબ જ ચિંતાનો વિષય છે.
મધ્ય દિલ્હીમાં AQI હજુ 300ને પાર નથી થયો પરંતુ તેની ખૂબ નજીક છે. આજે સવારે ITO ચોક ખાતે AQI લેવલ 261 નોંધાયું હતું. સેન્ટ્રલ દિલ્હીના મંદિર માર્ગ પર AQI 285 રેકોર્ડ કરવામાં આવ્યો હતો. જેના કારણે લોકોને ઘણી મુશ્કેલીનો સામનો કરવો પડી રહ્યો છે.
દિવાળી પહેલા જ પાટનગરની હવા ઝેરી થવા લાગી છે. AQI વધવાની સાથે પ્રદૂષણનું સ્તર વધી રહ્યું છે. આવી સ્થિતિમાં પ્રદૂષણને અંકુશમાં લેવા માટે અનેક પગલાં લેવામાં આવી રહ્યા છે, પરંતુ સ્થિતિમાં સુધારો થઈ રહ્યો નથી. સેન્ટ્રલ પોલ્યુશન કંટ્રોલ બોર્ડ (CPCB)ના ડેટા અનુસાર, રાષ્ટ્રીય રાજધાનીની AQI સોમવારે સાંજે 4 વાગ્યે 304 નોંધવામાં આવી હતી. જે રવિવારે 355 હતી.
કાઉન્સિલ ઓફ એનર્જી, એન્વાયરમેન્ટ એન્ડ વોટર (CEEW)ના વરિષ્ઠ અધિકારી અભિષેક કારે કહ્યું, ‘દિલ્હીનો AQI 25 ઓક્ટોબરના 270થી વધીને 27 ઓક્ટોબરે 356 થયો છે. આ વધારો પવનની દિશા અને ગતિમાં ફેરફારને કારણે થયો છે. CAQM એ આ આગાહીઓના આધારે અગાઉથી ત્રણ કે ચાર GRAP પગલાં અમલમાં મૂકવાનું વિચારવું જોઈએ. વધુમાં, દિવાળી દરમિયાન હવાની ગુણવત્તામાં વધુ બગાડ અટકાવવા માટે અધિકારીઓએ ફટાકડા પરના પ્રતિબંધનો કડક અમલ કરવો જોઈએ.
આ પણ વાંચો: નારોલ ગેસ ગળતર મામલે કંપનીના માલિક અને સુપરવાઈઝરની ધરપકડ
દિલ્હી સરકારે સોમવારે 10,000 નાગરિક સંરક્ષણ સ્વયંસેવકોને તૈનાત કરવાની યોજના જાહેર કરી હતી, જેમને ગયા વર્ષે સેવામાંથી બરતરફ કરવામાં આવ્યા હતા. મુખ્યમંત્રી આતિશીએ કહ્યું કે નાગરિક સંરક્ષણ સ્વયંસેવકોને પરિવહન વિભાગ અને દિલ્હી પ્રદૂષણ નિયંત્રણ સમિતિ (DPCC) સહિત વિવિધ એજન્સીઓના સહયોગથી તૈનાત કરવામાં આવશે. હવામાન વિભાગના જણાવ્યા અનુસાર સોમવારે દિલ્હીમાં મહત્તમ તાપમાન 34.4 ડિગ્રી સેલ્સિયસ નોંધાયું હતું, જે સામાન્ય કરતાં 3.4 ડિગ્રી વધારે હતું.
