5 રાજ્યો, 56 ટીમો અને પશ્ચિમ બંગાળ-ઓડિશા હાઈ એલર્ટ પર… જાણો ‘Dana’ ક્યારે દરિયાકાંઠે ટકરાશે
Cyclone Dana: ચક્રવાતી તોફાન દાનાને લઈને ઘણી સાવચેતી રાખવામાં આવી રહી છે. હવામાન વિભાગ અને ભારતીય કોસ્ટ ગાર્ડ સતત આની દેખરેખ રાખી રહ્યા છે. દાના વાવાઝોડાને કારણે ઓછામાં ઓછું નુકસાન થાય તે માટેના પ્રયાસો કરવામાં આવી રહ્યા છે. જો કે, એવું માનવામાં આવે છે કે દેશના પૂર્વીય દરિયાકાંઠાના વિસ્તારો ચક્રવાત ડાનાથી વધુ પ્રભાવિત થઈ શકે છે. ભારતીય કોસ્ટ ગાર્ડ સ્થિતિ પર નજીકથી નજર રાખી રહ્યું છે. ICG કોઈપણ પરિસ્થિતિનો સામનો કરવા માટે સક્રિય પગલાં લઈ રહ્યું છે.
ICGના વરિષ્ઠ અધિકારીઓ દરિયાકાંઠાના વિસ્તારો અંગે અન્ય વિભાગોના કર્મચારીઓ સાથે મળીને કામ કરી રહ્યા છે. માછીમારો અને દરિયાકાંઠાના વિસ્તારોમાં રહેતા લોકોને ચક્રવાત પસાર થયા પછી જ સમુદ્ર અથવા દરિયાકાંઠાના વિસ્તારોમાં જવા માટે એલર્ટ કરવામાં આવ્યું છે. ભારતીય કોસ્ટ ગાર્ડ અને આપત્તિ રાહત ટીમો એલર્ટ પર છે.
ચક્રવાતી તોફાન દાનાને કારણે છત્તીસગઢમાંથી પસાર થતી 14 ટ્રેનો રદ કરવામાં આવી છે. અધિકારીઓએ બુધવારે આ અંગેની માહિતી આપી હતી.
