ભારત-પાકિસ્તાન મેચ લાહોરમાં રમાશે…?, સંભવિત તારીખ 1 માર્ચ!
Champions Trophy: ચેમ્પિયન્સ ટ્રોફી 2025 આવતા વર્ષે 19 ફેબ્રુઆરીથી 9 માર્ચ સુધી રમાશે, જેમાં 10 માર્ચ રિઝર્વ ડે રહેશે. દરમિયાન, પાકિસ્તાન ક્રિકેટ બોર્ડ (PCB) એ આવતા વર્ષે 1 માર્ચે લાહોરમાં કટ્ટર હરીફ ભારત સામેની ચેમ્પિયન્સ ટ્રોફીમાં તેની ટીમની મહત્વપૂર્ણ મેચ ફિક્સ કરી દીધી છે. જોકે, BCCIએ હજુ સત્તાવાર રીતે પુષ્ટિ કરી નથી કે તે રાષ્ટ્રીય ટીમને ICC ટૂર્નામેન્ટ માટે પાકિસ્તાન મોકલશે કે નહીં.
INDIA vs PAKISTAN ON MARCH 1st AT LAHORE…!!!! [PTI]
– PCB & ICC are awaiting the approval of the Draft schedule from BCCI. pic.twitter.com/TqWw1MJ1z8
— Johns. (@CricCrazyJohns) July 3, 2024
BCCIએ હજુ સુધી મંજૂરી આપી નથી
1996 પછી આ પ્રથમ વખત બનશે જ્યારે પાકિસ્તાન કોઈ મોટી ICC ટૂર્નામેન્ટનું આયોજન કરશે, જોકે તેણે 2008માં સમગ્ર એશિયા કપ અને ગયા વર્ષે પણ તેની ધરતી પર સમાન ટુર્નામેન્ટની કેટલીક મેચોની યજમાની કરી હતી. ભારતીય ક્રિકેટ કંટ્રોલ બોર્ડ (BCCI) એ હજુ સત્તાવાર રીતે પુષ્ટિ કરી નથી કે તે રાષ્ટ્રીય ટીમને ICC ટૂર્નામેન્ટ માટે પાકિસ્તાન મોકલશે કે નહીં.
પીસીબી અધ્યક્ષે 15 મેચોનું શિડ્યુલ રજૂ કર્યું
રિપોર્ટ અનુસાર, PCB અધ્યક્ષ મોહસિન નકવીએ ચેમ્પિયન્સ ટ્રોફી 2025 માટે 15 મેચોનું શેડ્યૂલ રજૂ કર્યું છે. જેમાં સુરક્ષા અને લોજિસ્ટિકલ કારણોસર ભારતની તમામ મેચ લાહોરમાં રાખવામાં આવી છે. ICC બોર્ડના એક સભ્યએ કહ્યું, “PCBએ 15 મેચની ICC ચેમ્પિયન્સ ટ્રોફીનો ડ્રાફ્ટ સબમિટ કર્યો છે. લાહોરમાં સાત, કરાચીમાં ત્રણ અને રાવલપિંડીમાં પાંચ મેચ રમાશે. ઓપનિંગ મેચ કરાચીમાં યોજાશે, જ્યારે બે સેમિફાઇનલ કરાચી અને રાવલપિંડીમાં યોજાશે. આ સિવાય ફાઈનલ મેચ લાહોરમાં રમાશે. તમામ ભારતીય મેચો (જો ટીમ ક્વોલિફાય થાય તો સેમિફાઇનલ સહિત) લાહોરમાં યોજાશે.”
આઠ ટીમોને બે ગ્રુપમાં વહેંચવામાં આવી છે
ભારતને પાકિસ્તાન, બાંગ્લાદેશ અને ન્યુઝીલેન્ડની સાથે ગ્રુપ Aમાં રાખવામાં આવ્યું છે. ગ્રુપ બીમાં ઓસ્ટ્રેલિયા, દક્ષિણ આફ્રિકા, ઈંગ્લેન્ડ અને અફઘાનિસ્તાનનો સમાવેશ થાય છે. સુરક્ષા ટીમે સ્થળ અને અન્ય વ્યવસ્થાઓનું નિરીક્ષણ કર્યા બાદ તાજેતરમાં જ ICC ઈવેન્ટ્સ ચીફ ક્રિસ ટેટલીએ PCB અધ્યક્ષ મોહસિન નકવીને ઈસ્લામાબાદમાં મળ્યા હતા.
