કોમ્પ્યુટર એન્જિનિયરિંગ અને આઇટી સહીતના કોર્સ વિદ્યાર્થીઓની પ્રથમ પસંદ બન્યા

આશુતોષ ઉપાધ્યાય, અમદાવાદ: ડિગ્રી એન્જીનિયરિંગમાં પ્રવેશ પ્રક્રીયાનો પ્રારંભ થયો છે ત્યારે પહેલા જ રાઉન્ડમાં દર વર્ષની જેમ આ વર્ષે પણ કોમ્પ્યુટર એન્જિનિયરિંગ અને આઇટી સહીતના કોર્સ વિદ્યાર્થીઓની પ્રથમ પસંદ બન્યો છે. એન્જિનિયરિંગના પ્રવેશ માટે એડમિશન કમિટી દ્વારા હાથ ધરાયેલી પ્રવેશ પ્રક્રિયાના પ્રથમ રાઉન્ડમાં પ્રવેશની ફાળવણી કરી દેવામા આવી છે. જે અંતર્ગત 42,640 જેટલા વિદ્યાર્થીઓએ અરજી કરી હતી, જે પૈકી 40,423 વિદ્યાર્થીઓને મેરીટ આપવામાં આવ્યું છે. તેમાંથી 36,706 વિદ્યાર્થીઓએ ચોઈસ ફીલિંગ કરેલ છે.

આ વિદ્યાર્થીઓમાંથી તેઓના મેરીટ અને ભરેલ ચોઇસના આધારે 31527 વિદ્યાર્થીઓને પ્રથમ રાઉન્ડમાં ફાળવણી કરવામાં આવી છે. પ્રવેશ વર્ષ 2024-25 માં આશરે 57,656 બેઠકો માટે પ્રક્રીયા હાથ ધરવામાં આવી છે. બોર્ડની પુરક પરિક્ષાનો કાર્યક્રમ પણ જાહેર કરી દેવામા આવ્યો છે ત્યારે તેના પરિણામ બાદ બીજા રાઉન્ડની કાર્યવાહી હાથ ધરવામા આવશે. જે પણ વિદ્યાર્થીઓનો મેરિટમાં સ્થાન મળ્યું છે તેવા વિદ્યાર્થીઓ 25 જુન સુધી કોલેજમાં ફી ભરીને પ્રવેશ મેળવી શકશે.

કઈ સંસ્થામાં કુલ કેટલી બેઠકો ભરાઈ

100% બેઠકો ભરાઈ હોય તેવી 29 સંસ્થાઓ
100% થી ઓછી અને 75% થી વધુ બેઠક ભરાઈ હોય તેવી 25 સંસ્થાઓ
50% થી 75% સુધી બેઠક ભરાઈ હોય તેવી 19 સંસ્થાઓ
25% થી 50% સુધીની બેઠકો ભરાઈ હોય તેવી 18 સંસ્થાઓ
25% થી ઓછી બેઠકો ભરાઈ હોય તેવી 43 સંસ્થાઓ

બ્રાચ	કુલ બેઠક	ફાળવાયેલ બેઠક	ખાલી બેઠક
કમ્પ્યુટર એન્જિનિયરિંગ	18169	11297	6872
મિકેનિકલ એન્જિનિયરિંગ	6629	2410	4219
આઇટી એન્જિનિયરિંગ	6031	3309	2722
સિવિલ એન્જિનિયરિંગ	5849	2012	3837
ઇલેક્ટ્રિકલ એન્જિનિયરિંગ	4781	1800	2981
ઇલેક્ટ્રોનિક્સ એન્ડ કમ્યુનિકેશન	2304	1905	399
કેમિકલ એન્જિનિયરિંગ	2009	1251	758
ઓટોમોબાઇલ એન્જિનિયરિંગ	929	248	681
આર્ટિફિશિયલ ઇન્ટેલિજન્સ એન્ડ ડેટા સાયન્સ	744	382	362

ઇન્ફો એન્ડ કોમ્યુનિકેશન	744	607	137
બાયો ટેકનોલોજી	568	440	128
રોબોટિક્સ એન્ડ ઓટોમેશન	350	262	88