ભવ્ય મહાકુંભના આયોજન બદલ સૌને અભિનંદન, 66.30 કરોડ શ્રદ્ધાળુઓ આવ્યા: CM યોગી
Maha Kumbh 2025: UPના CM યોગી આદિત્યનાથ 45 દિવસના મહાકુંભ મેળાના સમાપન પર પ્રયાગરાજ પહોંચ્યા છે. હવે તેઓ સ્વચ્છતા અભિયાનનું નેતૃત્વ કરી રહ્યા છે. સીએમ યોગીએ સંગમ ઘાટ પર સફાઈ કરી છે. તેમની સાથે બંને નાયબ મુખ્યમંત્રી પણ હાજર છે. રાજ્યના ઘણા સિનિયર મંત્રીઓ અને અધિકારીઓ હાલમાં પ્રયાગરાજમાં હાજર છે. સીએમ યોગી સમગ્ર ઘાટનું નિરીક્ષણ કરી રહ્યા છે. મુખ્યમંત્રી યોગી આદિત્યનાથ, નાયબ મુખ્યમંત્રી બ્રજેશ પાઠક, કેપી મૌર્ય અને અન્ય કેબિનેટ મંત્રીઓએ પ્રયાગરાજના અરૈલ ઘાટ પર ગંગાની પૂજા કરી.
#WATCH | Uttar Pradesh CM Yogi Adityanath, Deputy CMs Brajesh Pathak, KP Maurya and other ministers of the cabinet at Sangam, in Prayagraj.
Ganga Puja will be preformed today at Arail Ghat following the culmination of Maha Kumbh yesterday. pic.twitter.com/t0LOfMF9Hf
— ANI (@ANI) February 27, 2025
આ પ્રસંગે પોતાના સંબોધનમાં સીએમ યોગીએ મહાકુંભના આયોજનમાં સામેલ કર્મચારીઓ અને અધિકારીઓનો આભાર માન્યો. યોગી આદિત્યનાથે કહ્યું કે જો ટીમ ભાવનાથી કામ કરવામાં આવે તો તેના પરિણામો પણ સારા મળે છે. તેમણે પ્રયાગરાજ મેળા ઓથોરિટી અને કર્મચારીઓ અને અધિકારીઓનો આભાર માન્યો. તેમણે આ કાર્યક્રમમાં સામેલ તમામ લોકોને ખૂબ ખૂબ અભિનંદન આપ્યા.
#WATCH | Uttar Pradesh CM Yogi Adityanath participates in a cleanliness drive at Arail Ghat in Prayagraj. pic.twitter.com/MrNRNBiIr8
— ANI (@ANI) February 27, 2025
સીએમ યોગીના કાર્યક્રમોની યાદી
- સીએમ યોગી સવારે 11.30 વાગ્યે લખનઉથી પ્રયાગરાજ પહોંચ્યા અને સાંજે 7 વાગ્યે પ્રયાગરાજથી રવાના થશે.
- પ્રયાગરાજમાં, સીએમ યોગી ખલાસીઓ અને UPSRTC ડ્રાઇવરો સાથે વાતચીત કરશે.
- હનુમાન મંદિરમાં દર્શન અને પૂજા-અર્ચના કરશે.
- ડિજિટલ મીડિયા સેન્ટર ખાતે મીડિયાકર્મીઓ સાથે સંવાદ કાર્યક્રમનું આયોજન કરશે.
- મહાકુંભમાં તૈનાત પોલીસકર્મીઓ સાથે સંવાદ કાર્યક્રમ યોજશે.
- વહીવટી અને પોલીસ અધિકારીઓ સાથે વાતચીત કરશે.
મહાકુંભમાં રેકોર્ડ 66.30 કરોડ ભક્તોએ સ્નાન કર્યું
વિશ્વના સૌથી મોટા ધાર્મિક અને આધ્યાત્મિક મેળાવડા મહાકુંભમાં 45 દિવસમાં 66.30 કરોડ ભક્તોએ ગંગા અને સંગમમાં ડૂબકી લગાવી હતી. મેળા વહીવટીતંત્ર દ્વારા જારી કરાયેલા આંકડા મુજબ, બુધવારે રાત્રે 8 વાગ્યા સુધી 1.53 કરોડથી વધુ શ્રદ્ધાળુઓએ ગંગા અને સંગમમાં ડૂબકી લગાવી હતી અને 13 જાન્યુઆરીથી બુધવારે રાત્રે 8 વાગ્યા સુધી સ્નાન કરનારા લોકોની સંખ્યા 66.30 કરોડ પર પહોંચી હતી. ભક્તોની આ સંખ્યા ચીન અને ભારત સિવાય અમેરિકા, રશિયા અને યુરોપીયન દેશો સહિત તમામ દેશોની વસ્તી કરતા વધુ છે.
15,000 સફાઈ કામદારોએ યોગદાન આપ્યું
મહાકુંભ તેની સ્વચ્છતા માટે પણ ચર્ચામાં હતો જેમાં સફાઈ કામદારોએ મહત્વની ભૂમિકા ભજવી હતી. મહાકુંભ મેળામાં સ્વચ્છતા વિભાગના પ્રભારી ડૉ. આનંદ સિંહે જણાવ્યું કે, મેળા દરમ્યાન 15,000 સફાઈ કર્મચારીઓ ચોવીસ કલાક ફરજ બજાવતા હતા. તેમણે ઘણી શિફ્ટમાં સફાઈની જવાબદારીઓ ખૂબ જ સારી રીતે નિભાવી અને મેળામાં શૌચાલય અને ઘાટ સંપૂર્ણપણે સ્વચ્છ રાખ્યા. બધાએ તેના કામની પ્રશંસા કરી. મહાકુંભ મેળામાં મૌની અમાવસ્યા પર નાસભાગની ઘટનાને કારણે તેની છબી થોડી ખરડાઈ હતી, પરંતુ આ ઘટનાથી ભક્તોની આસ્થા પર કોઈ ખાસ અસર થઈ ન હતી અને લોકોનું આગમન સતત ચાલુ રહ્યું હતું. ભાગદોડમાં 30 લોકોના મોત થયા હતા.
