CM સૈનીએ યમુના નદીનું પાણી પીધું, કહ્યું- ‘તપાસમાં પણ કોઈ ઝેર નથી મળ્યું’
દિલ્હી: યમુનામાં વધેલા એમોનિયાને લઈને રાજકારણ ગરમાયું છે. ત્યારે હરિયાણાના મુખ્યમંત્રી નાયબ સિંહ સૈનીએ બુધવારે દિલ્હીને અડીને આવેલા પલ્લા ગામમાં યમુના નદીનું પાણી પીધું. આ દરમિયાન CM નાયબસિંહ સૈનીએ કહ્યું કે, અરવિં દ કેજરીવાલે પોતાના રાજકીય ફાયદા માટે લોકોના મનમાં ડર પેદા કરવા માટે વિવાદાસ્પદ નિવેદનો આપ્યા છે. આજે હું અહીં યમુના નદીના કિનારે આવ્યો છું અને યમુનાનું પાણી પીધું છું. વોટર રિસોર્સિસ ઓથોરિટીએ અહીંથી સેમ્પલ લીધા હતા અને પાણીમાં કોઈ ઝેર જોવા મળ્યું ન હતું.
આ હતો સમગ્ર મામલો
આમ આદમી પાર્ટીના સંયોજક અરવિંદ કેજરીવાલે હરિયાણાની ભાજપ સરકાર પર યમુનામાં ઝેર ભેળવવાનો દાવો કર્યો હતો. ત્યારે AAPનું કહેવું છે કે હરિયાણાથી આવતા પાણીમાં એમોનિયાની વધુ માત્રાને કારણે દિલ્હીના ત્રણ વોટર સપ્લાય પ્લાન્ટ બંધ થવાના આરે છે અને રાષ્ટ્રીય રાજધાનીમાં જળ સંકટ શરૂ થઈ ગયું છે. સાથે જ કેજરીવાલના આરોપો પર હરિયાણાના મુખ્યમંત્રી નાયબસિંહ સૈની અને ભાજપે વળતો જવાબ આપ્યો હતો.
જળ બોર્ડે યમુનામાં ઝેર અંગે સ્પષ્ટતા આપી
દિલ્હી જળ બોર્ડે યમુના નદીના પાણીમાં ઝેરી પદાર્થોની ભેળસેળ અંગે સ્પષ્ટતા આપી છે. જળ બોર્ડનો દાવો છે કે ઓક્ટોબરથી ફેબ્રુઆરી દરમિયાન શિયાળાની ઋતુમાં યમુના નદીમાં કુદરતી રીતે એમોનિયાનું પ્રમાણ વધે છે. વોટર ટ્રીટમેન્ટ પ્લાન્ટ્સ એમોનિયાને પાર્ટ્સ પ્રતિ મિલિયન (ppm) સુધી ટ્રીટ કરવા માટે ડિઝાઇન કરવામાં આવ્યા છે. જો એમોનિયાનું સ્તર બેથી અઢી પીપીએમ સુધી પહોંચે છે, તો તેને કેરિયર લાઈન ચેનલ અને દિલ્હી સબ બ્રાન્ચમાંથી પાણી ઉમેરીને પાતળું કરવામાં આવે છે.
આ પ્રક્રિયા દ્વારા ઉચ્ચ એમોનિયા સ્તર સાથે પાણી શુદ્ધ થાય છે. આ અંગે પાણી બોર્ડે મુખ્ય સચિવને પત્ર લખ્યો છે. જળ બોર્ડના સીઈઓ શિલ્પા શિંદેએ મુખ્ય સચિવને પત્ર લખીને આ મામલો લેફ્ટનન્ટ ગવર્નર વીકે સક્સેનાના ધ્યાન પર લાવવા કહ્યું છે. કારણ એ છે કે તે આંતરરાજ્ય સંબંધોને અસર કરે છે.
