સુરત ઈન્ટરનેશનલ એરપોર્ટના બાથરૂમમાં CISF જવાને પોતાને ગોળી મારી કરી આત્મહત્યા
સુરત: સુરત ઈન્ટરનેશનલ એરપોર્ટ પર CISF જવાને પોતાની જ સર્વિસ રિવોલ્વરથી ગોળી મારી આત્મહત્યા કરી લીધી છે. કિશન સિંહ નામના જવાનને તાત્કાલિક નજીકની હોસ્પિટલમાં સારવાર માટે લઈ જવામાં આવ્યો હતો.જ્યાં તેનું સારવાર દરમિયાન મોત નીપજ્યું હતું. કિશન સિંહે શા માટે પોતાને ગોળી મારી તે કારણ હજુ સુધી બહાર આવ્યું નથી. હાલ પોલીસ આ મામલે તપાસ કરી રહી છે.
શું છે સમગ્ર મામલો?
એરપોર્ટ પર CISFમાં ફરજ બજાવતા જવાને બાથરૂમમાં જઈ પોતાની પાસે રહેલી રિવોલ્વરથી પેટના ભાગે ગોળી મારી આત્મહત્યા કરી હતી. ઘટનાની જાણ થતા જ અન્ય સ્ટાફના માણસોએ તેને તાત્કાલીક સારવાર માટે ખાનગી હોસ્પિટલમાં લઈ ગયા. જ્યાં ગંભીર હાલતમાં જવાનનું સારવાર દરમિયાન મોત નીપજ્યું હતું. CISFના બાથરૂમમાં જઈને આપઘાત શા માટે કર્યો તેને લઈને પોલીસ દ્વારા તપાસ હાથ ધરવામાં આવી છે.
