છત્તીસગઢ: બીજાપુરમાં મોટો નક્સલી હુમલો, IED બ્લાસ્ટમાં 9 જવાન શહીદ; અનેક ગંભીર રીતે ઘાયલ

Chhattisgarh: છત્તીસગઢના બીજાપુરમાં નક્સલવાદીઓએ મોટો હુમલો કર્યો છે. સુરક્ષાદળોના વાહનને IED વડે નિશાન બનાવવામાં આવ્યું છે. નક્સલવાદીઓએ કુત્રુ રોડ પર IED પ્લાન્ટ કર્યો હતો, સુરક્ષા દળોનું વાહન તેની અસરમાં આવ્યું હતું. IED બ્લાસ્ટને કારણે 9 જવાનો શહીદ થયા છે. 6થી વધુ જવાનો ગંભીર રીતે ઘાયલ થયા છે. સૈનિકોની ટીમ ઓપરેશનમાંથી પરત ફરી રહી હતી. હુમલાની માહિતી મળતા જ બસ્તરના આઈજી સુંદરરાજ પી બીજાપુર જવા રવાના થઈ ગયા.

નક્સલવાદીઓએ બીજાપુર જિલ્લાના કુત્રુ-બેદરે રોડ પર આ હુમલો ત્યારે કર્યો જ્યારે દંતેવાડા, નારાયણપુર અને બીજાપુરની સંયુક્ત ઓપરેશન પાર્ટી ઓપરેશન બાદ પરત ફરી રહી હતી. બપોરે 2:15 વાગ્યે, નક્સલવાદીઓએ કુત્રુ પોલીસ સ્ટેશન વિસ્તારના અંબેલી ગામ પાસે IED બ્લાસ્ટ કરીને સુરક્ષા દળના વાહનને ઉડાવી દીધું.

આઈજી બસ્તરનું નિવેદન
આઈજી બસ્તરના જણાવ્યા અનુસાર, બીજાપુરમાં નક્સલવાદીઓએ આઈઈડી બ્લાસ્ટથી સુરક્ષા દળોના વાહનોને ઉડાવી દીધા હતા. આ હુમલામાં આઠ ડીઆરજી જવાન અને દંતેવાડાના એક ડ્રાઈવર સહિત નવ જવાનો શહીદ થયા હતા. સુરક્ષા દળો દંતેવાડા, નારાયણપુર અને બીજાપુરમાં સંયુક્ત ઓપરેશન કરીને પરત ફરી રહ્યા હતા.

Chhattisgarh | Nine people – eight Dantewada DRG jawans and one driver, lost their lives after their vehicle was blown up by naxals through an IED blast, in Bijapur. They were returning after a joint operation of Dantewada, Narayanpur and Bijapur: IG Bastar pic.twitter.com/hqsDHnr8XT

— ANI (@ANI) January 6, 2025

સરકાર ડરશે નહીં કે ઝૂકશે નહીં
છત્તીસગઢ વિધાનસભાના અધ્યક્ષ રમણ સિંહે બીજાપુર આઈઈડી બ્લાસ્ટ પર કહ્યું કે જ્યારે પણ નક્સલવાદીઓ વિરુદ્ધ મોટા ઓપરેશન હાથ ધરવામાં આવે છે ત્યારે તેઓ આવી કાયરતાપૂર્ણ હરકતો કરે છે. નક્સલવાદ સામે છત્તીસગઢ સરકાર જે પગલાં લઈ રહી છે તેને વધુ તીવ્ર બનાવવામાં આવશે. સરકાર ડરવાની કે ઝૂકવાની નથી. તેમની સામે કડક કાર્યવાહી ચાલુ રહેશે.

આ પણ વાંચો: 76 લોકોથી ભરેલા વિમાનમાં લાગી આગ, નેપાલના કાઠમંડુમાં ફ્લાઈટનું ઈમરજન્સી લેન્ડિંગ

જવાનોની શહાદત એળે નહીં જાય
છત્તીસગઢ સરકારના નાયબ મુખ્યમંત્રી અરુણ સાઓએ IED બ્લાસ્ટને નક્સલવાદીઓનું કાયરતાપૂર્ણ કૃત્ય ગણાવ્યું છે. અરુણ સાઓએ કહ્યું કે બીજાપુરથી નક્સલવાદીઓના કાયરતાપૂર્ણ કૃત્યની માહિતી મળી છે. આ નક્સલવાદીઓનું કાયરતાપૂર્ણ કૃત્ય છે. જવાનોની શહાદત એળે નહીં જાય. બહુ જલદી છત્તીસગઢ નક્સલ મુક્ત થશે.