વીડિયો શેર કરી મોદી-યોગીને હત્યાની ધમકી આપનારા સામે FIR દાખલ
કર્ણાટક: કર્ણાટકના યદાગીરી જિલ્લાના રંગમપેટના રહેવાસી મોહમ્મદ રસૂલે સોશિયલ મીડિયા પર એક વીડિયો શેર કર્યો છે અને વડાપ્રધાન નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથને મારી નાખવાની ધમકી આપી છે. આ પછી, વીડિયો શેર કરવા બદલ રસૂલ વિરુદ્ધ IPCની કલમ 505(1)(b), 25(1)(b) અને આર્મ્સ એક્ટ હેઠળ FIR નોંધવામાં આવી છે. તમને જણાવી દઈએ કે આ વીડિયોમાં રસૂલે પીએમ મોદી અને યોગી આદિત્યનાથને મારી નાખવાની ધમકી આપી છે.
ત્યારથી પોલીસ આરોપીની શોધખોળ કરી રહી છે. વડાપ્રધાન મોદી વિરૂદ્ધ વાંધાજનક ભાષાનો ઉપયોગ કરનાર વ્યક્તિની ઓળખ મોહમ્મદ રસૂલ કદ્દરે તરીકે કરવામાં આવી છે, જે મૂળ રંગમપેટ, સુરપુર, યાદગીરી જિલ્લાનો છે. રસૂલ પહેલા હૈદરાબાદમાં મજૂર તરીકે કામ કરતો હતો અને ત્યાં જ સ્થાયી થયો હતો. સુરપુર પોલીસ સ્ટેશનમાં સ્થાનિક ભાજપના નેતાઓ દ્વારા તેમની વિરુદ્ધ ફરિયાદ દાખલ કરવામાં આવી છે.
સ્થાનિક લોકોની ફરિયાદ પર, સુરપુર પોલીસે મોહમ્મદ રસૂલ વિરુદ્ધ IPCની કલમ 505(1)(b), 25(1)(b) અને આર્મ્સ એક્ટ હેઠળ કેસ નોંધ્યો છે. તેમજ પોલીસે હૈદરાબાદ સહિત વિવિધ સ્થળોએ આરોપીઓની શોધખોળ શરૂ કરી છે.
