હિમાચલ રાજ્યસભા ચૂંટણીમાં BJPના ઉમેદવાર હર્ષ મહાજનની જીત
Himachal Rajya Sabha Election Result: હિમાચલમાં રાજ્યસભાની ચૂંટણીમાં બીજેપીના હર્ષ મહાજન (Harsh Mahajan)એ એક સીટ માટે ચૂંટણી જીતી હતી. કોંગ્રેસના અભિષેક મનુ સિંઘવી (Abhishek Manu Singhvi)ને હારનો સામનો કરવો પડ્યો હતો. નસીબે હર્ષ મહાજનનો સાથ આપ્યો. બંને નેતાઓને 34-34 વોટ મળ્યા હતા, બાદમાં હર્ષ મહાજન સ્લિપ દ્વારા જીત્યા હતા. હિમાચલ પ્રદેશમાં વિધાનસભા સભ્યોની સંખ્યા 68 છે. જ્યારે કોંગ્રેસના ધારાસભ્યોએ ક્રોસ વોટિંગ કર્યું ત્યારે ખૂબ જ રોમાંચક સ્પર્ધા જોવા મળી હતી.
#WATCH | Rajya Sabha elections | In Shimla, Himachal Pradesh, BJP candidate Harsh Mahajan says, "This is the victory of BJP, of Narendra Modi, of Amit Shah."
State BJP has claimed that their candidate has won the election. pic.twitter.com/yblPkjUTuD
— ANI (@ANI) February 27, 2024
ક્રોસ વોટિંગે કોંગ્રેસની રમત બગાડી
કોંગ્રેસના કુલ ધારાસભ્યોની સંખ્યા 40 છે અને બીજેપીની પાસે 25 ધારાસભ્ય છે. આ સિવાય રાજ્યમાં ત્રણ અપક્ષ ઉમેદવાર પણ છે. ચૂંટણી દરમિયાન અટકળો શરૂ થઇ હતી કે કોંગ્રેસના છ ધારાસભ્યોએ ક્રોસ વોટિંગ કર્યું હતું, જે પરિણામ આવ્યા ત્યારે મંજૂર કરવામાં આવ્યું હતું. ભાજપના સમર્થનમાં કોંગ્રેસના છ ધારાસભ્યો અને ત્રણ અપક્ષોના ક્રોસ વોટિંગને કારણે અભિષેક મનુ સિંઘવીની તરફેણમાં 34 મત પડ્યા હતા જ્યારે હર્ષ મહાજનને પણ એટલા જ મત મળ્યા હતા. આવી સ્થિતિમાં બંને વચ્ચે ટાઈ થઈ અને પછી સ્લિપ દ્વારા પરિણામ હર્ષ મહાજનની તરફેણમાં આવ્યું હતું.
#WATCH | Rajya Sabha Elections | Congress candidate from Himachal Pradesh, Abhishek Manu Singhvi says, "First of all, I extend heartiest congratulations to Harsh Mahajan (BJP candidate), he has won. He deserves my congratulations. I would like to tell his party – introspect and… pic.twitter.com/iS4v7Kx2zp
— ANI (@ANI) February 27, 2024
સીએમ સુખુએ રાજીનામું આપવું જોઇએ: હર્ષ મહાજન
હર્ષ મહાજનની જીત બાદ તેમના સમર્થકો ‘જય શ્રી રામ’ના નારા લગાવતા જોવા મળ્યા હતા. વિજય બાદ મહાજને મીડિયાને જણાવ્યું કે, ‘આ ભાજપ, નરેન્દ્ર મોદી અને અમિત શાહની જીત છે.’ બીજી બાજુ વિપક્ષના નેતા જયરામ ઠાકુરે કહ્યું કે આ જીતને જોતા સીએમ સુખવિંદર સિંહ સુખુએ રાજીનામું આપી દેવું જોઈએ.એક વર્ષની અંદર ધારાસભ્ય જ છોડીને ચાલ્યા જાય તો જનતા કેવી રીતે વિશ્વાસ કરશે?
#WATCH | Rajya Sabha elections | Himachal Pradesh LoP Jairam Thakur says, "Despite having such a huge majority, Congress lost the Rajya Sabha seat…I congratulate Harsh Mahajan once again…" pic.twitter.com/wTRzlEiUlK
— ANI (@ANI) February 27, 2024
કોણ છે હર્ષ મહાજન?
1955માં ચંબામાં જન્મેલા હર્ષ મહાજન ભૂતપૂર્વ કેબિનેટ મંત્રી અને ભૂતપૂર્વ વિધાનસભા અધ્યક્ષ દેશ રાજ મહાજનના પુત્ર છે. હર્ષ મહાજને પોતાની રાજકીય કારકિર્દી યુથ કોંગ્રેસથી શરૂ કરી હતી. હર્ષ મહાજન 1993માં પહેલીવાર ધારાસભ્ય તરીકે ચૂંટાયા હતા. આ પછી તેઓ 1998 અને 2003માં ફરી ધારાસભ્ય બન્યા હતા. હર્ષ મહાજન રાજ્યમાં પશુપાલન મંત્રી પણ રહી ચૂક્યા છે. જો કે, સપ્ટેમ્બર 2022માં તેમણે કોંગ્રેસમાંથી રાજીનામું આપી દીધું અને ભાજપમાં જોડાયા હતા.
