ચાકુ, નેઇલ કટર અને ચાવી ગળી ગયો યુવક, ઓપરેશન બાદ ડોક્ટરે પણ માથું પકડી લીધું
Bihar News: બિહારના મોતિહારી જિલ્લામાં એક વિચિત્ર કિસ્સો પ્રકાશમાં આવ્યો છે, જ્યાં એક છોકરાએ કી ચેન, નેઇલ કટર, ચાકુ અને અન્ય ધાતુની વસ્તુઓ ગળી લીધી હતી. જ્યારે ડોક્ટરોએ ઓપરેશન કરીને તેના પેટમાંથી આ બધી વસ્તુઓ કાઢી તો તેઓ પણ આશ્ચર્યચકિત થઈ ગયા હતા. જણાવવામાં આવી રહ્યું છે કે મોબાઈલ પર વધુ ગેમ રમવા અને વીડિયો જોવાના કારણે છોકરાનું માનસિક સંતુલન બગડી ગયું જેના કારણે તે આવી વસ્તુઓ ગળવા લાગ્યો હતો.
મળતી માહિતી મુજબ મામલો મોતિહારી શહેરના ચાંદમારી વિસ્તારનો છે. છોકરાની માતાએ ગોદરેજનું કબાટ ખોલવા માટે ચાવી શોધી હતી, જે મળી ન હતી. આવી સ્થિતિમાં વ્યથિત માતાને જોઈને છોકરાએ કહ્યું કે તે ચાવી ગળી ગયો છે. આ પછી પરિવાર તેને તરત જ મોતિહારીમાં ડોક્ટર પાસે લઈ ગયા. અલ્ટ્રાસાઉન્ડ પર જાણવા મળ્યું કે તેના પેટમાં ઘણી ધાતુની વસ્તુઓ અટવાઈ ગઈ છે. તેને દૂર કરવા માટે ડૉક્ટરે પરિવારના સભ્યોને ઓપરેશન કરવા કહ્યું હતું. લગભગ એક કલાકના ઓપરેશન બાદ છોકરાના પેટમાંથી કી ચેઈન, નેઈલ કટર, નેકલેસ અને નાની છરી કાઢી હતી. આ ઘટના જોઈને ડોક્ટરો પણ આશ્ચર્યચકિત થઈ ગયા કે છોકરો આટલી બધી ધાતુ કેવી રીતે ગળી ગયો. જો કે, ડોકટરોનું માનવું છે કે તેણે ઘણા દિવસોથી આ સામાન ગળવાનું શરૂ કર્યું હશે.
આ પણ વાંચો: સૌથી વધુ ધનવાન ક્રિકેટર કોણ? ભારતનો આ ક્રિકેટર છે 70,000 કરોડનો માલિક
મોબાઈલની લતને કારણે માનસિક સંતુલન બગડ્યું
જણાવવામાં આવી રહ્યું છે કે છોકરાને મોબાઈલ ફોનનો ઉપયોગ કરવાની લત હતી. તે આખો દિવસ મોબાઈલમાં વીડિયો જોતો અને ખતરનાક ગેમ રમતો હતો. જેના કારણે તેનું માનસિક સંતુલન ધીરે ધીરે બગડવા લાગ્યું હતું. આ દરમિયાન તે ઘરની મહત્વની વસ્તુઓ છુપાવવાના ઈરાદે ગળી ગયો હતો. જ્યારે માતાએ અલમારીની ચાવી શોધવાનું શરૂ કર્યું તો તેણે પોતે જ તેની જાણકારી આપી હતી. પહેલા તો પરિવારજનોએ તેની વાત પર વિશ્વાસ ન કર્યો પરંતુ અલ્ટ્રાસાઉન્ડમાં સત્ય બહાર આવ્યું. ડોકટરોનું કહેવું છે કે ઓપરેશન બાદ તેની હાલતમાં સુધારો થઈ રહ્યો છે. તે ટૂંક સમયમાં સંપૂર્ણ સ્વસ્થ થઈ જશે.
