Kolkata HCનો મમતા સરકારને ફટકો, 2010થી બનેલા 5 લાખ OBC પ્રમાણપત્રો રદ
OBC Certificate: કોલકાતા હાઇકોર્ટે બુધવારે (22 મે) પશ્ચિમ બંગાળની મમતા સરકારને મોટો ઝટકો આપ્યો છે. હાઈકોર્ટે 2010થી જારી કરાયેલા લગભગ 5 લાખ OBC પ્રમાણપત્રો રદ કરવાનો નિર્ણય કર્યો છે. હવે નોકરીની અરજીઓમાં પણ OBC પ્રમાણપત્ર સ્વીકારવામાં આવશે નહીં. એક અરજી પર સુનાવણી દરમિયાન કોલકાતા હાઈકોર્ટે મોટો નિર્ણય સંભળાવ્યો છે. આ નિર્ણય અનુસાર, હાઈકોર્ટે 2010 થી જારી કરાયેલા તમામ અન્ય પછાત વર્ગ (ઓબીસી) પ્રમાણપત્રોને રદ કરવાનો આદેશ આપ્યો છે. તમને જણાવી દઈએ કે આ નિર્ણયની ઘણી દૂરગામી અસરો જોવા મળી શકે છે.
WB CM Mamata Banerjee's official response after the cancellation of 5 lakhs OBC certificates by Calcutta High court.
The court stated that the state assembly will decide who are the real OBC's. Also no one will lose their job or anything because of this cancellation. pic.twitter.com/P6GjcZ4Sfw
— Sourav || সৌরভ (@Sourav_3294) May 22, 2024
હાઈકોર્ટે આદેશમાં શું કહ્યું?
કોલકાતા હાઈકોર્ટમાં જસ્ટિસ તપબ્રત ચક્રવર્તી અને રાજશેખર મંથાની ડિવિઝન બેન્ચે બુધવારે એક PILની સુનાવણી દરમિયાન આ નિર્ણય આપ્યો હતો.આ પીઆઈએલમાં ઓબીસી સર્ટિફિકેટ જારી કરવાની પ્રક્રિયા પર સવાલો ઉઠાવવામાં આવ્યા હતા. આ કેસમાં કોર્ટે સૂચના આપી હતી અને કહ્યું હતું કે 1993ના કાયદા હેઠળ રચાયેલા પશ્ચિમ બંગાળ પછાત આયોગ દ્વારા નિર્ધારિત પ્રક્રિયાઓ અનુસાર જ OBC પ્રમાણપત્રો બનાવવામાં આવે.
In another blow to Mamata Banerjee’s regressive appeasement politics, the Calcutta High Court has struck down Muslim reservation under the OBC sub-category. It has also invalidated all OBC certificates issued between 2010-2024. Those admitted, if they manage to retain their jobs,…
— Amit Malviya (@amitmalviya) May 22, 2024
તુષ્ટિકરણની રાજનીતિને મોટો ફટકો: ભાજપ
હાઈકોર્ટના નિર્ણય બાદ ભાજપના નેતા અમિત માલવિયાએ સોશિયલ મીડિયા પ્લેટફોર્મ X પર પોસ્ટ કરીને પ્રતિક્રિયા આપી હતી. તેમણે કહ્યું, ‘મમતા બેનર્જીની તુષ્ટિકરણની રાજનીતિને વધુ એક ઝટકો લાગ્યો છે.’ કલકત્તા હાઈકોર્ટે OBC સબ-કેટેગરીમાં મુસ્લિમોની અનામત સમાપ્ત કરી દીધી છે. આ સાથે હાઈકોર્ટે 2010 થી 2024 વચ્ચે આપવામાં આવેલા તમામ OBC પ્રમાણપત્રો પણ રદ કરી દીધા છે. આ સમયગાળા દરમિયાન, જો પ્રવેશ મેળવનારા લોકો તેમની નોકરી જાળવી રાખવામાં સફળ થાય છે, તો તેઓ અન્ય કોઈપણ લાભો માટે હકદાર રહેશે નહીં.
