દિવાળીના મિની વેકેશનમાં ફરવા જવું હોય તો આ જગ્યાઓ છે બેસ્ટ ઓપ્શન

Best Tourist Places Diwali 2024: દિવાળી વેકેશન પડે એટલે પહેલા ફરવા જવાનો વિચાર આવે. આપણને એવી જગ્યા પસંદ આવે કે જ્યાં ભીડ પણ ઓછી હોય અને ત્યાં ફોટો અને રિલ્સ બનાવવાની મજા આવે. ત્યારે અમે તમારા માટે આ દિવાળી વેકેશનમાં ફરવા લાયક સ્થળની માહિતી લઈને આવ્યા છીએ.

હર કી પૌરી ઘાટ
આ દિવાળીના વેકેશનમાં તમારા માટે બેસ્ટ છે ઉત્તરાખંડના હરિદ્વારમાં આવેલી હર કી પૌરી. જે ભારતના સૌથી પ્રસિદ્ધ ઘાટોમાંથી એક છે. એવું માનવામાં આવે છે કે જ્યારે દાનવો અને દેવતાઓ સમુદ્ર મંથન પછી નીકળેલા અમૃત સાથે આકાશમાં જઈ રહ્યા હતા ત્યારે અમૃતના થોડા ટીપા અહીં પડ્યા હતા. તેથી આ સ્થાન પર સ્નાન કરવું પવિત્ર માનવામાં આવે છે. આ ઘાટ તેની સુંદરતાની સાથે સાથે ધાર્મિક મહત્વ માટે પણ પ્રખ્યાત છે.

સંગમ ઘાટ
દિવાળીના સમયમાં પ્રયાગરાજમાં ફરવા તમે જઈ શકો છો. પ્રયાગરાજમાં હાજર સંગમ ઘાટ ભારતના સૌથી પવિત્ર ઘાટોમાંથી એક માનવામાં આવે છે. જ્યાં ગંગા, યમુના અને સરસ્વતી એક સાથે મળે છે. કારણ કે તે આ નદીઓનું મિલન સ્થળ છે, તેને સંગમ કહેવામાં આવે છે. કુંભના દિવસોમાં અહીંનો નજારો જોવા જેવો છે.

ત્રિવેણી ઘાટ ઋષિકેશ
ઋષિકેશમાં હાજર ત્રિવેણી ઘાટને ભારતના સૌથી પ્રસિદ્ધ ઘાટોમાંથી એક ગણવામાં આવે છે. દિવાળીના સમયમાં તમે આ સ્થળની પણ મુલાકાત લઈ શકો છો. ઋષિકેશ શહેર ગંગા નદીના કિનારે આવેલું છે જ્યાં પૂજા સિવાય લોકો વોટર એક્ટિવિટી માટે પણ મોટી સંખ્યામાં આવે છે. લોકો અહીંના વાતાવરણનો ખૂબ આનંદ લે છે. દરેક ઋતુમાં અહીં પ્રવાસીઓની ભીડ હોય છે.

આ પણ વાંચો: લિમિટેડ બજેટમાં કરવા હોય ડેસ્ટિનેશન વેડિંગ તો આ જગ્યાઓ છે સૌથી બેસ્ટ

ભેડાઘાટ
દિવાળીના સમયમાં તમે મધ્યપ્રદેશની મુલાકાત લઈ શકો છો. તેમાં તમે ભેડાઘાટની મુલાકાત લો. તે જબલપુર વિભાગમાં આવેલું છે અને તેની સુંદરતા માટે વિશ્વભરમાં પ્રખ્યાત છે. તે શહેરથી લગભગ 20 થી 25 કિલોમીટરના અંતરે નર્મદા નદી પર બનેલ છે.