પુસ્તકોમાંથી બાબરી ધ્વંસનું ચેપ્ટર હટાવાયું, NCERTએ કહ્યું, બાળકોને હિંસા કેમ શીખવવી?
NCERT books: દેશની ટોચની શૈક્ષણિક સંસ્થા NCERTના ડાયરેક્ટર દિનેશ પ્રસાદ સકલાનીએ તેના પુસ્તકોમાં તાજેતરમાં કરવામાં આવેલા ફેરફારો અંગે નિવેદન આપ્યું છે. પાઠ્યપુસ્તકોમાં ફેરફાર અંગેના વિવાદ વચ્ચે NCERTના ડિરેક્ટરે કહ્યું કે નફરત અને હિંસા એ શિક્ષણનો વિષય નથી અને તેને શાળાના પાઠ્યપુસ્તકોમાં સંબોધવામાં આવવો જોઈએ નહીં. નોંધનીય છે કે, બાબરી મસ્જિદના ધ્વંસ અને બીજેપીના વરિષ્ઠ નેતા લાલકૃષ્ણ અડવાણીની આગેવાની હેઠળની રામ રથયાત્રાના સંદર્ભો NCERT પુસ્તકોમાંથી હટાવી દેવામાં આવ્યા છે.
"I think it is incomplete": Ram Mandir chief priest on NCERT's omission of events in Ayodhya movement
Read @ANI Story | https://t.co/6SGc078oX1#NCERT #Ayodhyamovement #RamMandirpriest pic.twitter.com/dCwMUh0MdB
— ANI Digital (@ani_digital) June 16, 2024
NCERT પુસ્તકોમાં કરવામાં આવેલા ફેરફારોને ધ્યાનમાં રાખીને ઘણા પ્રશ્નો ઉભા થયા હતા. શાળાના બાળકોના પુસ્તકોનું ભગવાકરણ થતું હોવાના આક્ષેપો પણ થયા હતા. આ અંગે બોલતા NCERTના ડાયરેક્ટર દિનેશ પ્રસાદ સકલાનીએ જણાવ્યું હતું કે, ‘અભ્યાસક્રમને ભગવા કરવાનો કોઈ પ્રયાસ નથી, પાઠ્યપુસ્તકોમાં તમામ ફેરફારો પુરાવા અને તથ્યો પર આધારિત છે.’
આ પણ વાંચો: રાજનાથ સિંહના ઘરે NDAની બેઠક, સ્પીકરની ચૂંટણી અને INDIA ગઠબંધન વિરુદ્ધ બનાવી રણનીતિ
NCERTના પાઠ્યપુસ્તકોમાંથી બાબરી મસ્જિદ ધ્વંસ અને ભાજપના વરિષ્ઠ નેતા લાલ કૃષ્ણ અડવાણીની આગેવાની હેઠળની રામ રથયાત્રાના સંદર્ભો હટાવવા અંગે સકલાનીએ કહ્યું, શા માટે આપણે વિદ્યાર્થીઓને રમખાણો વિશે શીખવવું જોઈએ અમારો ઉદ્દેશ્ય બાળકોને હિંસક, હતાશ નાગરિક બનાવવાનો નથી. સકલાણીએ જણાવ્યું હતું કે પાઠ્યપુસ્તકોમાં સુધારો કરવો એ વૈશ્વિક પ્રથા છે, તે શિક્ષણના હિતમાં છે. પુસ્તકોમાં ફેરફાર વિશે ઉમેરતા, સકલાની કહે છે કે જો કંઈક અપ્રસ્તુત બને છે, તો તે બદલાઈ જાય છે.
ગુજરાત રમખાણો સંબંધિત સંદર્ભો દૂર કરવા પર, NCERT ડિરેક્ટરે કહ્યું, ‘નફરત અને હિંસા શાળાઓમાં ભણાવવાના વિષયો નથી, પાઠયપુસ્તકોમાં તેના પર ભાર મૂકવો જોઈએ નહીં. શાળાઓમાં ઈતિહાસ હકીકતો આપવા માટે ભણાવવામાં આવે છે, તેને યુદ્ધનું મેદાન બનાવવા માટે નહીં. આ ઉપરાંત, પાઠયપુસ્તકોનું પુનરાવર્તન વિષય નિષ્ણાતો દ્વારા કરવામાં આવે છે, હું પ્રક્રિયામાં દખલ કરતો નથી.”
