બાબા રામદેવ અને આચાર્ય બાલકૃષ્ણને મોટી રાહત, SCએ પતંજલિની જાહેરાતનો અવમાનનાનો કેસ બંધ કર્યો

Baba Ramdev-Acharya Balakrishna: સુપ્રીમ કોર્ટે મંગળવારે (13 ઓગસ્ટ) યોગ ગુરુ રામદેવ અને આચાર્ય બાલકૃષ્ણ વિરુદ્ધ પતંજલિ ઉત્પાદનોને લઈને ચાલી રહેલા અવમાનના કેસને બંધ કરી દીધો. પતંજલિ ઉત્પાદનો પર ચલાવવામાં આવતી ભ્રામક જાહેરાતો અને દવાઓ સંબંધિત દાવાઓ અંગે બંને પક્ષો તરફથી બાંયધરી આપવામાં આવી હતી. જેને કોર્ટે સ્વીકારી હતી. આ રીતે બાબા રામદેવ અને આચાર્ય બાલકૃષ્ણને દેશની સર્વોચ્ચ અદાલતમાંથી મોટી રાહત મળી છે.

ઈન્ડિયન મેડિકલ એસોસિએશને 2022માં સુપ્રીમ કોર્ટમાં અરજી દાખલ કરી હતી. જેમાં રામદેવ અને પતંજલિ આયુર્વેદની આધુનિક ચિકિત્સા વિરુદ્ધ અપમાનજનક ટિપ્પણીઓનો ઉલ્લેખ કરવામાં આવ્યો હતો. અરજીમાં કહેવામાં આવ્યું છે કે જીવનશૈલી વિકૃતિઓ અને અન્ય રોગો માટે ચમત્કારિક ઉપચારનું વચન આપતી પતંજલિની જાહેરાતોએ ‘ડ્રગ્સ એન્ડ મેજિક રેમેડીઝ (વાંધાજનક જાહેરાતો) એક્ટ, 1954 અને ‘ડ્રગ્સ એન્ડ કોસ્મેટિક્સ રૂલ્સ, 1954’ હેઠળ કાયદાનું ઉલ્લંઘન કર્યું છે.

ભ્રામક જાહેરાત આપવા બદલ તિરસ્કારની નોટિસ મળી હતી

સુપ્રીમ કોર્ટે નવેમ્બર 2023માં પતંજલિને ભ્રામક જાહેરાતો આપવાનું બંધ કરવા કહ્યું હતું. પરંતુ તેમ કરવામાં આવ્યું ન હતું. ચુકાદાના બીજા જ દિવસે બાબા રામદેવે પ્રેસ કોન્ફરન્સ કરીને ડાયાબિટીસ અને અસ્થમાનો ઈલાજ કરવાનો દાવો કર્યો હતો. આ પછી દેશની સર્વોચ્ચ અદાલતે બાબા રામદેવ અને પતંજલિ આયુર્વેદના એમડી બાલકૃષ્ણને અવમાનનાની નોટિસ જારી કરી છે. જોકે, તેણે કહ્યું હતું કે તે હવે જાહેરાતો રિલીઝ કરવાનું બંધ કરશે. કોર્ટે તેમને હાજર થવા માટે પણ બોલાવ્યા હતા.

આ પણ વાંચો: દિલ્હીમાં સ્વતંત્રતા દિવસે આતિશી નહીં ફરકાવી શકે ધ્વજ, કેજરીવાલના પત્રનો જવાબ

યોગ ગુરુ બાલકૃષ્ણ અને કંપનીનું પ્રતિનિધિત્વ કરતા વકીલ ગૌતમ તાલુકદારે જણાવ્યું હતું કે, “કોર્ટે રામદેવ, બાલકૃષ્ણ અને પતંજલિ આયુર્વેદ લિમિટેડ દ્વારા આપવામાં આવેલી બાંયધરીનાં આધારે તિરસ્કારની કાર્યવાહી બંધ કરી દીધી છે.” 14 મેના રોજ સુપ્રીમ કોર્ટે તિરસ્કારની નોટિસ પર પોતાનો આદેશ અનામત રાખ્યો હતો.