‘બર્ડ ફ્લૂ’થી સંક્રમિત બાળક, આ દેશમાં માણલોમાં પહેલો કેસ નોંધાયો, લોકોમાં ભય

Australia Bird Flu: માણસોમાં બર્ડ ફ્લૂના ચેપનો પ્રથમ કેસ ઓસ્ટ્રેલિયામાં નોંધાયો છે. ઓસ્ટ્રેલિયાનું કહેવું છે કે થોડા અઠવાડિયા પહેલા ભારતમાં રહેતા એક બાળકને આ ચેપ લાગ્યો હતો. હાલ બાળક સ્વસ્થ છે. મળતી માહિતી અનુસાર ‘વિક્ટોરિયામાં એક બાળકમાં ચેપની પુષ્ટિ થઈ છે, જે ઓસ્ટ્રેલિયામાં બર્ડ ફ્લૂનો પહેલો કેસ છે. બાળક ભારતમાં રહેતી વખતે H5N1 ફ્લૂનો શિકાર બન્યો હતો અને આ વર્ષે માર્ચ મહિનામાં તે બીમાર હતો.

આ વાયરસ માણસોમાં સરળતાથી ફેલાતો નથી
વિક્ટોરિયા હેલ્થ ડિપાર્ટમેન્ટે ‘X’ પર જણાવ્યું હતું કે, ‘વિક્ટોરિયામાં માનવોમાં બર્ડ ફ્લૂ A (H5N1) ચેપનો એક કેસ નોંધવામાં આવ્યો છે. વિક્ટોરિયામાં ચેપ ફેલાવાના કોઈ સંકેત નથી અને તે અન્ય લોકોમાં ફેલાય તેવી શક્યતા પણ ઘણી ઓછી છે કારણ કે બર્ડ ફ્લૂ લોકો વચ્ચે સરળતાથી ફેલાતો નથી.

અન્ય દેશની ઓળખ કર્યા વિના હેલ્થ વિભાગે અન્ય પોસ્ટમાં કહ્યું, ‘જે બાળકમાં તાજેતરમાં ચેપની પુષ્ટિ થઈ હતી. તે માર્ચ 2024માં વિદેશથી ઓસ્ટ્રેલિયા પરત ફર્યો હતો. બાળકને ગંભીર ચેપ લાગ્યો હતો પરંતુ હવે તે સ્વસ્થ છે અને સંપૂર્ણ સ્વસ્થ થઈ ગયો છે.

અન્ય સમાચાર મુજબ, વિક્ટોરિયાના એક ખેતરમાં બર્ડ ફ્લૂની ઓળખ થયાના થોડા કલાકો પછી આ કેસ નોંધાયો હતો. ઑસ્ટ્રેલિયા એકમાત્ર ખંડ છે જ્યાં પ્રાણીઓને અત્યાર સુધી H5N1 ચેપથી બચાવી શકાયા છે. પરંતુ બુધવારે સત્તાવાળાઓએ જણાવ્યું હતું કે મેલબોર્ન નજીક ઇંડા ફાર્મમાં બર્ડ ફ્લૂનો અત્યંત ચેપી સ્ટ્રેન મળી આવ્યો હતો.

આરોગ્ય વિભાગે કહ્યું કે, ‘માણસો માટે તેનો શિકાર થવો ખૂબ જ દુર્લભ છે. વિશ્વભરમાં બહુ ઓછા લોકો તેનાથી પ્રભાવિત થયા છે અને કેટલાક કિસ્સાઓમાં મૃત્યુ પણ થયા છે. આ પ્રથમ વખત છે કે ઓસ્ટ્રેલિયામાં ઝડપથી ફેલાતા એવિયન ચેપની પુષ્ટિ કરવામાં આવી છે અને પ્રથમ વખત જ્યારે માનવ અથવા પ્રાણીમાં H5N1 સ્ટ્રેન જોવા મળ્યો છે.