પાકિસ્તાનના કરાચીમાં વિદેશી નાગરિકોના કાફલા પર આત્મઘાતી હુમલો, 2 ના મોત 3 ઘાયલ
Islamabad : પાકિસ્તાનના કરાચીથી એક મોટા સમાચાર સામે આવી રહ્યા છે. કહેવામાં આવી રહ્યું છે કે શુક્રવારે સવારે કરાચીમાં વિદેશી નાગરિકોના કાફલા પર આત્મઘાતી હુમલો કરવામાં આવ્યો હતો. જેમાં બે લોકોના મોત થયા હતા. જેમાં ત્રણ લોકો ઘાયલ થયાના સમાચાર છે.
એક અહેવાલ અનુસાર, કરાચીના મલિર જિલ્લાના વરિષ્ઠ પોલીસ અધિક્ષક તારિક મસ્તોઈનું કહેવું છે કે કરાચીના લાંધી ટાઉન વિસ્તારના માનસેહરા કોલોની વિસ્તારમાં પાંચ જાપાનીઓને લઈને જઈ રહેલા કાફલાને નિશાન બનાવવામાં આવ્યું હતું, પરંતુ સુરક્ષાકર્મીઓ દ્વારા જવાબી ગોળીબારથી તેને અટકાવવામાં આવ્યો હતો. હુમલાને નિષ્ફળ બનાવ્યો હતો.
પોલીસના જણાવ્યા અનુસાર, એક આતંકવાદીએ આગળના વાહન પર હુમલો કરવા માટે બંદૂક કાઢી હતી, પરંતુ પાછળના વાહનમાં હાજર પોલીસ સુરક્ષાકર્મીઓ દ્વારા જવાબી ગોળીબારમાં તે માર્યો ગયો હતો. પોલીસે જણાવ્યું હતું કે ગોળીબાર પછી એક આતંકવાદીએ વિસ્ફોટકોથી ભરેલા તેના જેકેટમાં વિસ્ફોટ કર્યો, વિદેશીઓના વાહન અને એક મોટરસાઇકલને નુકસાન પહોંચાડ્યું અને બે ગાર્ડ સહિત ત્રણ લોકો ઘાયલ થયા.
માહિતી આપતાં પોલીસે જણાવ્યું કે હુમલામાં પાંચેય વિદેશી નાગરિકો સુરક્ષિત છે. પોલીસ સુરક્ષા દળો અને બચાવ ટુકડીઓ ઘટનાસ્થળે પહોંચી અને વિદેશીઓને સલામત સ્થળે લઈ ગયા.
બોમ્બ ડિસ્પોઝલ સ્ક્વોડ પણ ઘટનાસ્થળે પહોંચી ગઈ હતી. બોમ્બ ડિસ્પોઝલ સ્ક્વોડે સ્થાનિક મીડિયાને જણાવ્યું હતું કે ઘટનાસ્થળે થોડું નુકસાન થયું હતું કારણ કે આત્મઘાતી બોમ્બરનું વિસ્ફોટક ભરેલું જેકેટ સંપૂર્ણપણે વિસ્ફોટ કરતું ન હતું. હજુ સુધી કોઈ જૂથે આ હુમલાની જવાબદારી લીધી નથી.
