માર્ક ઝકરબર્ગ ફેલાવી રહ્યો છે ખોટું જ્ઞાન, NDA સરકાર પડવાના દાવાની અશ્વિની વૈષ્ણવે કરી આકરી ટીકા
Ashwini Vaishnav: કેન્દ્રીય મંત્રી અશ્વિની વૈષ્ણવે NDA સરકાર પડવાના માર્ક ઝુકરબર્ગના દાવા પર તેમને આકરી ટીકા કરી છે. સોશિયલ મીડિયા પ્લેટફોર્મ X પર, વૈષ્ણવે કહ્યું કે માર્ક ઝકરબર્ગ પોતે ખોટી માહિતી ફેલાવી રહ્યા છે. તેમણે કહ્યું કે આ ખૂબ જ નિરાશાજનક છે. તેમણે તથ્યો અને વિશ્વસનીયતા જાળવી રાખવી જોઈએ. હકીકતમાં, માર્ક ઝુકરબર્ગે એક નિવેદનમાં કહ્યું હતું કે 2024નું વર્ષ દુનિયા માટે ખૂબ જ મુશ્કેલ હતું. કોવિડ 19 પછી, ઘણા દેશોમાં ચૂંટણીઓ યોજાઈ અને ભારત સહિત ઘણા દેશોની સરકારો પડી ગઈ.
As the world’s largest democracy, India conducted the 2024 elections with over 640 million voters. People of India reaffirmed their trust in NDA led by PM @narendramodi Ji’s leadership.
Mr. Zuckerberg’s claim that most incumbent governments, including India in 2024 elections,…
— Ashwini Vaishnaw (@AshwiniVaishnaw) January 13, 2025
વૈષ્ણવે કહ્યું કે, વિશ્વના સૌથી મોટા લોકશાહી તરીકે, ભારતમાં 2024ની ચૂંટણીમાં 64 કરોડ લોકોએ ભાગ લીધો હતો. ભારતના લોકોએ ફરી એકવાર પ્રધાનમંત્રી નરેન્દ્ર મોદીના નેતૃત્વમાં વિશ્વાસ વ્યક્ત કર્યો. ઝુકરબર્ગનો દાવો છે કે 2024ની ચૂંટણીમાં ભારત સહિત મોટાભાગના દેશોની સરકારો પડી ગઈ, જે સંપૂર્ણપણે ખોટું છે.
તેમણે કહ્યું કે, ભારતે કોવિડ દરમિયાન 80 કરોડ લોકોને મફત અનાજ, 2.2 અબજ મફત રસી અને વિશ્વભરના દેશોને મદદ કરી. ભારત સૌથી ઝડપથી વિકસતું અર્થતંત્ર છે. PM મોદીનો ત્રીજો કાર્યકાળ સુશાસન અને લોકોના વિશ્વાસનો પુરાવો છે. માર્ક ઝુકરબર્ગ દ્વારા ખોટી માહિતી આપવામાં આવે તે ખૂબ જ નિરાશાજનક છે. તેમણે વિશ્વસનીયતા જાળવી રાખવી જોઈએ.
એક પોડકાસ્ટ દરમિયાન, માર્ક ઝુકરબર્ગે કહ્યું કે 2024 સમગ્ર વિશ્વમાં ચૂંટણીનું વર્ષ હતું. ભારત જેવા ઘણા દેશોમાં ચૂંટણીઓ યોજાઈ અને વર્તમાન સરકારો પડી ગઈ. વૈશ્વિક સ્તરે કોઈ મુખ્ય કારણ હતું, પછી ભલે તે ફુગાવો હોય કે આર્થિક કટોકટી. સરકારોએ કોવિડ સામે જે રીતે લડત આપી તેની પણ મોટી અસર પડી. તેમણે દાવો કર્યો કે લોકશાહી સંસ્થાઓમાં લોકોનો વિશ્વાસ પણ ઘટી ગયો છે.
