REELના ચક્કરમાં સ્ટંટ કરતી છોકરીઓની શોધખોળ શરૂ, થશે કાર્યવાહી

Arrest Stunt Girls: આજકાલ યુવાનો રીલ બનાવવાની ઘેલછામાં પોતાનું ભાન અને કાયદો પણ ભૂલી જતા હોય છે. સોશિયલ મીડિયા પર રીલ બનાવવા માટે સ્કૂટર પર સ્ટંટ કરતો અને હોળી રમવાના નામે અશ્લીલતા ફેલાવતો વીડિયો વાયરલ થઈ રહ્યો છે. નોઈડા પોલીસ હવે આ મામલે કડક બની ગઈ છે. પોલીસે આ વીડિયોમાં દેખાતા ત્રણેય લોકો સામે ગુનો નોંધી ત્રણેયની ધરપકડ માટે શોધખોળ શરૂ કરી છે.

નોઈડામાં હોળીના દિવસે એક વીડિયો વાયરલ થયો હતો, જેમાં બે છોકરીઓ ચાલતી સ્કૂટીમાં સ્ટંટબાજી કરતી નજરે પડે છે, એક સ્કૂટી પર ત્રણ લોકો સવાર છે અને યુવક સ્કૂટી ચલાવી રહ્યો છે. પાછળ બેઠેલી છોકરીઓ એકબીજાને રંગ લગાવી રહી છે અને અશ્લીલ એક્ટિંગ કરી રહી છે અને ત્રણેય હેલ્મેટ વગરના છે. આસપાસ ઉભેલા લોકો તેની સામે જોઈ રહ્યા છે.

આ પણ વાંચો: દિલ્હીમાં દંગલ: રસ્તાઓ પર ઉતર્યા નેતા-કાર્યકર્તા, AAP-BJP આમનેસામને

આ વીડિયો વાયરલ થયા બાદ ટ્રાફિક પોલીસે નિયમોના ઉલ્લંઘન બદલ સ્કૂટર પર 33 હજાર રૂપિયાનું ચલણ ફટકાર્યું હતું. સોશિયલ મીડિયા પર વાયરલ થયેલા વીડિયોના આધારે નોઈડા પોલીસે ત્રણેય વિરુદ્ધ અશ્લીલતા ફેલાવવા બદલ કેસ નોંધ્યો છે અને તેમની ધરપકડ માટે શોધખોળ ચાલી રહી છે. આ વીડિયો પોલીસ સ્ટેશન સેક્ટર 113 વિસ્તારના સેક્ટર 78નો હોવાનું કહેવાય છે.

Performing stunts on public roads during #Holi celebrations on Monday proved to be costly for two girls in Uttar Pradesh as @noidatraffic slapped hefty fine against them.https://t.co/2TBoSJpuRZ

— HT Auto (@HTAutotweets) March 26, 2024

DGPએ આ મામલે શું કહ્યું?
આ મામલે માહિતી આપતા DCP વિદ્યા સાગર મિશ્રાએ કહ્યું કે આ વીડિયો વાયરલ થઈ રહ્યો છે. આ કેસમાં ટ્રાફિક પોલીસે તેને નિયમ મુજબ ચલણ ઇશ્યુ કર્યું હતું, વીડિયોમાં તે છોકરીઓ જ કરી રહ્યાં છે તે IPC મુજબ સજાપાત્ર છે. આ મામલે પોલીસ સ્ટેશન સેક્ટર 113માં યોગ્ય કલમો હેઠળ કેસ નોંધવામાં આવ્યો છે.

નોઈડાનો વધુ એક વીડિયો ચર્ચામાં
વાયરલ થઈ રહેલો આ વીડિયો ઉત્તર પ્રદેશના નોઈડાનો હોવાનું પણ કહેવાય છે. જેમાં એક યુવક સ્કૂટર ચલાવતો જોવા મળે છે. તે જ સમયે, એક છોકરી તેની પાછળની સીટ પર રીલ બનાવતી જોવા મળે છે. વીડિયોમાં જોવા મળ્યું કે, છોકરી કેવી રીતે ચાલતા સ્કૂટર પર હોળી રમી રહી છે. વીડિયોમાં યુવતી સ્કૂટર ચલાવી રહેલા વ્યક્તિના ચહેરા પર કલર લગાવી રહી છે, પરંતુ બીજી જ ક્ષણે યુવતી કારમાંથી નીચે પડી જાય છે.