હથિયાર અને હિંસાથી પરિવર્તન આવી શકે નહીં… છત્તીસગઢમાં અથડામણ બાદ અમિતશાહે શું કહ્યું?
Amit shah: ગૃહમંત્રી અમિત શાહ 4 અને 5 એપ્રિલે છત્તીસગઢની મુલાકાત લેશે. સૂત્રોના જણાવ્યા અનુસાર 5 એપ્રિલે ગૃહમંત્રી અમિત શાહ છત્તીસગઢના દંતેવાડામાં એડવાન્સ પોસ્ટની મુલાકાત લેશે અને નક્સલમુક્ત અભિયાનનું નિરીક્ષણ કરશે. આ પછી 5 એપ્રિલે ગૃહમંત્રી છત્તીસગઢમાં નક્સલવાદના સંપૂર્ણ નાબૂદી માટે ચલાવવામાં આવી રહેલા ઓપરેશનની પણ સમીક્ષા કરશે.
અમિત શાહ છત્તીસગઢના મુખ્યમંત્રી સહિત નક્સલવાદ પ્રભાવિત રાજ્યોના મુખ્યમંત્રીઓ, અસરગ્રસ્ત રાજ્યોના ઉચ્ચ પોલીસ અધિકારીઓ અર્ધલશ્કરી દળો અને નક્સલવાદને નાબૂદ કરવામાં રોકાયેલા અધિકારીઓ સાથે બેઠક કરશે. ગૃહમંત્રી અમિત શાહે 31 માર્ચ, 2026 સુધીમાં દેશમાંથી નક્સલવાદના સંપૂર્ણ નાબૂદ માટે તારીખ નક્કી કરી છે, તેની સમીક્ષા કરવામાં આવશે.
સુકમામાં 16 નક્સલીઓ માર્યા ગયા
છત્તીસગઢના સુકમામાં નક્સલીઓની હાજરીની માહિતી પર 28 માર્ચ એટલે કે શુક્રવારે, DRG અને CRPFની સંયુક્ત પોલીસ ટુકડી નક્સલ વિરોધી સર્ચ ઓપરેશન માટે રવાના થઈ હતી. આ કાર્યવાહી દરમિયાન શનિવારે સવારે સુરક્ષા દળો અને નક્સલીઓ વચ્ચે અથડામણ થઈ હતી. આ એન્કાઉન્ટરમાં સુરક્ષા દળોએ 16 નક્સલીઓને ઠાર માર્યા છે.
Another strike on Naxalism!
Our security agencies have neutralised 16 Naxalites and recovered a massive cache of automatic weapons in an operation in Sukma.
Under the leadership of PM Shri @narendramodi Ji, we are resolved to eradicate Naxalism before the 31st of March 2026.…
— Amit Shah (@AmitShah) March 29, 2025
“નક્સલવાદને બીજો ફટકો”
અમિત શાહે તેમના સોશિયલ મીડિયા હેન્ડલ X પર સુકમામાં નક્સલવાદીઓ વિરુદ્ધના અભિયાન અંગે પોસ્ટ કરી હતી. તેમણે કહ્યું, નક્સલવાદને બીજો ફટકો! આપણી સુરક્ષા એજન્સીઓએ સુકમામાં એક કાર્યવાહીમાં 16 નક્સલીઓને ઠાર માર્યા છે અને મોટી માત્રામાં સ્વચાલિત શસ્ત્રો જપ્ત કર્યા છે.
અમિત શાહે વધુમાં કહ્યું કે, પીએમ મોદીના નેતૃત્વમાં અમે 31 માર્ચ, 2026 પહેલા નક્સલવાદનો અંત લાવવા માટે પ્રતિબદ્ધ છીએ. તેમણે શસ્ત્રો રાખનારાઓને અપીલ કરતા કહ્યું કે, શસ્ત્રો અને હિંસા પરિવર્તન લાવી શકતા નથી; ફક્ત શાંતિ અને વિકાસ જ પરિવર્તન લાવી શકે છે.
આ પણ વાંચો: IPL 2025: અશ્વિન-જાડેજાએ એક ખાસ સિદ્ધિ હાંસલ કરી, CSK ટીમે કરી જાહેરાત
ભારત ક્યારે નક્સલમુક્ત બનશે?
છત્તીસગઢમાં 20 માર્ચે નક્સલીઓ સાથેના એન્કાઉન્ટર બાદ, દેશના ગૃહમંત્રી અમિત શાહે તેને નક્સલમુક્ત ભારત અભિયાન ગણાવ્યું હતું. તેમણે X પર લખ્યું, આજે આપણા સૈનિકોએ નક્સલ મુક્ત ભારત અભિયાનની દિશામાં બીજી મોટી સફળતા મેળવી છે. છત્તીસગઢના બીજાપુર અને કાંકેરમાં આપણા સુરક્ષા દળોના બે અલગ-અલગ ઓપરેશનમાં 22 નક્સલીઓ માર્યા ગયા છે. આ ઉપરાંત ગૃહમંત્રીએ કહ્યું હતું કે આવતા વર્ષે 31 માર્ચ પહેલા દેશ નક્સલ મુક્ત થઈ જશે.
