પ્રી-વેડિંગ ડિનર માટે અંબાણી પરિવાર પહોંચ્યો ચોરવાડ, કોકિલાબેને ધીરૂભાઇને કર્યા યાદ
જૂનાગઢ: મુકેશ અને અનિલ અંબાણી તેમના પિતા ધીરુભાઈને તેમની 80મી જન્મજયંતિ નિમિત્તે યાદ કરવા જૂનાગઢ જિલ્લાના તેમના ગામ ચોરવાડ પહોંચ્યા હતા. અનંત અને રાધિકા મર્ચન્ટના પ્રી-વેડિંગ ડિનર માટે અંબાણી પરિવાર ચોરવાડ પહોંચ્યો હતો. આ કાર્યક્રમમાં કોકિલાબેન અંબાણી પણ હાજર રહ્યા હતા. તમને જણાવી દઈએ કે ચોરવાડ ધીરુભાઈ અંબાણીની જન્મભૂમિ છે. આ દરમિયાન અંબાણી પરિવારે ચોરવાડના ગ્રામજનોને ભોજન કરાવ્યું હતું. આ પછી અંબાણી પરિવારે પણ ધીરુભાઈ અંબાણીના જન્મસ્થળના વખાણ કર્યા હતા.
અંબાણી પરિવારે કાર્યક્રમ દરમિયાન જણાવ્યું હતું કે આજે પણ અંબાણી પરિવાર માટે ચોરવાડનું વિશેષ મહત્વ છે. 70 વર્ષ પહેલા 12 માર્ચ 1954ના રોજ ધીરુભાઈ અંબાણી અને કોકિલાબેનના લગ્ન પણ ચોરવાડમાં જ થયા હતા. યોગાનુયોગ, અનંત અને રાધિકાના લગ્ન પહેલાના ભોજનનું પણ અહીં આયોજન કરવામાં આવ્યું હતું, જેના કારણે કોકિલાબેન અંબાણી પોતે ચોરવાડમાં હાજર હતા. અનંત અને રાધિકાના લગ્ન પ્રસંગે તેમણે આખા ગામને ભોજન માટે આમંત્રણ આપ્યું અને ભોજન પીરસીને તેમના આશીર્વાદ લીધા.
આ પછી અનંત અંબાણીએ ભાવુક ભાષણ આપ્યું હતું. ચોરવાડમાં પ્રિ-વેડિંગ ડિનરમાં રાધિકા અને અનંત અંબાણી ઉપરાંત કોકિલાબેન અંબાણી અને જૂનાગઢના સાંસદ રાજેશ ચુડાસમા અને સોમનાથના ધારાસભ્ય વિમલ ચુડાસમા પણ હાજર રહ્યા હતા. આ પ્રસંગે અનંત અંબાણીએ તેમની ચોરવાડની યાદો તાજી કરી હતી.
અહીં અનંતે કહ્યું કે, દાદાના ગામથી તેમના જેવા 10 લોકો ઉભા હોવા જોઇએ, આ પ્રસંગે અનંતે વધુમાં કહ્યું કે, હું તમારા આશીર્વાદ લેવા આવ્યો છું. આ મારા દાદાનું ગામ છે. તમે બધા મને અને રાધિકાની સાથે આખા પરિવારને આશીર્વાદ આપો. ચોરવાડ મારા દાદાજીનું જન્મસ્થળ છે. રિલાયન્સમાં બધુ અહીંથી જ આવ્યું છે. વધુમાં અનંતે કહ્યું કે, એક વિચાર મારા મનમાં છે અહીં જે બાળકો છે જે સાહસ રાખે અને આગળ વધે. આગામી 10 વર્ષમાં અહીંથી 10 ધીરૂભાઇ નીકળી શકે છે. આ શક્તિ આ ગામમાં છે.
કોકિલાબેન અંબાણીએ પણ ધીરુભાઈ સાથેની કેટલીક વાતો યાદ કરી હતી. કોકિલાબેન અંબાણીએ ધીરુભાઈ સાથેના તેમના સંબંધોને પણ યાદ કર્યા, જે દર્શાવે છે કે ચોરવાડ અંબાણી પરિવાર માટે કેટલું મહત્વનું છે. વધુમાં, કોકિલાબેને ચોરવાડ સાથે જોડાયેલા તેમના જીવનની કેટલીક ઘટનાઓને યાદ કરીને સમગ્ર ચોરવાડ મંદિરના લોકો, ખાસ કરીને ધીરુભાઈ અંબાણીનો આભાર વ્યક્ત કર્યો હતો.
