અલકા લાંબા દિલ્હીના CM આતિશી સામે ચૂંટણી લડશે, કોંગ્રેસે કાલકાજીથી આપી ટિકિટ
Delhi Assembly Elections 2025: કોંગ્રેસે દિલ્હીના મુખ્યમંત્રી આતિશી સામે પોતાના ઉમેદવારનું નામ જાહેર કર્યું છે. પાર્ટીએ આતિશી સામે અલકા લાંબાને પોતાનો ઉમેદવાર બનાવવાનો નિર્ણય કર્યો છે. કોંગ્રેસે અલકાના નામની સત્તાવાર જાહેરાત કરી છે. કોંગ્રેસે કાલકાજી વિધાનસભાથી અલકા લાંબાને મેદાનમાં ઉતાર્યા છે.
કોંગ્રેસ દ્વારા જારી કરવામાં આવેલી એક અખબારી યાદીમાં જણાવાયું છે કે કેન્દ્રીય ચૂંટણી સમિતિએ 51-કાલકાજી મતવિસ્તારમાંથી દિલ્હી વિધાનસભાની આગામી સામાન્ય ચૂંટણી લડવા માટે કોંગ્રેસના ઉમેદવાર તરીકે અલકા લાંબાની ઉમેદવારીને મંજૂરી આપી દીધી છે.
કોણ છે અલકા લાંબા?
કાલકાજી પાસેથી ટિકિટ મેળવનાર અલકા લાંબા કોંગ્રેસના વરિષ્ઠ નેતા છે અને હાલમાં ઓલ ઈન્ડિયા મહિલા કોંગ્રેસ અધ્યક્ષ છે. તે કોંગ્રેસ વર્કિંગ કમિટીના સભ્ય પણ છે. તે અગાઉ કોંગ્રેસની વિદ્યાર્થી પાંખ NSUIના પ્રમુખ પણ રહી ચૂક્યા છે. તે આમ આદમી પાર્ટીની ટિકિટ પર ધારાસભ્ય પણ રહી ચૂકી છે. બાદમાં તેઓ કોંગ્રેસમાં પાછા ફર્યા હતા.
