‘કેજરીવાલ બાદ હવે ઉદ્ધવ ઠાકરેની ધરપકડ થશે’, ભાજપના નેતા નારાયણ રાણેએ કર્યો દાવો

Lok Sabha Elections 2024: લોકસભા ચૂંટણી 2024ના ત્રીજા તબક્કા પહેલા ભારતીય જનતા પાર્ટી (BJP)ના એક વરિષ્ઠ નેતાએ હવે મહારાષ્ટ્રના પૂર્વ મુખ્યમંત્રી ઉદ્ધવ ઠાકરેની ધરપકડની ચેતવણી આપી છે. નારાયણ રાણેએ કહ્યું કે, દિલ્હી એક્સાઇઝ પોલિસી ભ્રષ્ટાચાર કેસમાં મુખ્યમંત્રી અરવિંદ કેજરીવાલની ધરપકડ બાદ હવે મહારાષ્ટ્રના પૂર્વ મુખ્યમંત્રી ઉદ્ધવ ઠાકરેનો જેલમાં જવાનો વારો છે. તેમણે મહારાષ્ટ્રમાં ભ્રષ્ટાચારના ઘણા મામલાઓનો ઉલ્લેખ કર્યો અને કહ્યું કે હવે ઉદ્ધવ ઠાકરેનો જેલ જવાનો વારો છે. તેણે દાવો કર્યો હતો કે તે ટૂંક સમયમાં જેલના સળિયા પાછળ હશે.

આ પણ વાંચો: અનંતનાગમાં મોટી દુર્ઘટના, ખીણમાં પડ્યું સેનાનું વાહન, એક જવાનનું મોત

કેન્દ્રીય મંત્રી નારાયણ રાણેનું શું કહેવું છે?
એક ન્યૂઝ ચેનલ સાથે વાત કરતાં કેન્દ્રીય મંત્રી નારાયણ રાણેએ કહ્યું કે કેજરીવાલ પછી ઉદ્ધવ ઠાકરે જેલમાં જઈ શકે છે. ઉદ્ધવ ઠાકરે સામેના ભ્રષ્ટાચારના કેસોનો ઉલ્લેખ કરતા તેમણે કહ્યું કે મની લોન્ડરિંગ કેસ, દિશા સાલિયાન કેસ, સુશાંત સિંહ આત્મહત્યા કેસ, મ્યુનિસિપલ કોર્પોરેશનના ભ્રષ્ટાચાર સહિતના ઘણા મુદ્દા છે. આ મુદ્દાઓ ટૂંક સમયમાં ઠાકરેને જેલમાં મોકલી શકે છે.

‘ઉદ્ધવ ઠાકરેમાં અમિત શાહને ચેતવણી આપવાની હિંમત નથી’
નારાયણ રાણેએ કહ્યું કે ઉદ્ધવ ઠાકરેએ મને કોંકણમાં કોઈ ચેતવણી ન આપવી જોઈએ. જો તારામાં હિંમત હોય તો તારું પ્રોટેક્શન કાઢીને મારી સામે આવે. તેમણે કહ્યું કે અમિત શાહને ચેતવણી આપવી એટલી સરળ નથી. ઉદ્ધવ ઠાકરેમાં એટલી હિંમત નથી.

આ પણ વાંચો: JDS નેતા એચડી રેવન્નાની અપહરણનો કેસમાં ધરપકડ, આગોતરા જામીન અરજી કોર્ટે ફગાવી

બાળાસાહેબ ઠાકરેનો ઉલ્લેખ કરતાં તેમણે કહ્યું કે ઉદ્ધવ ઠાકરે તેમના નામ પર માત્ર એક ધબ્બો છે. નારાયણ રાણેએ કહ્યું કે, ‘હું બોલતો નથી, કરીને બતાવું છું. જો હું અહીં કંઈક કહું તો તે પુરાવા બની જશે.’ રાજ ઠાકરેના વખાણ કરતા રાણેએ કહ્યું, ‘રાજ ઠાકરે અને ઉદ્ધવ ઠાકરે વચ્ચે તફાવત છે. રાજ ઠાકરે મિત્રતાના લાયક છે, જ્યારે કેજરીવાલ પછી ઉદ્ધવ ઠાકરે જેલમાં જઈ શકે છે.’