વિશાખાપટ્ટનમ જઈ રહેલી એર ઈન્ડિયાની ફ્લાઈટમાં ધમકી, 107 મુસાફરો હતા સવાર

Air India Flight Bomb Threat: નવી દિલ્હીથી વિશાખાપટ્ટનમ જતી એર ઈન્ડિયાની ફ્લાઈટને મંગળવારે મોડી રાત્રે બોમ્બની ધમકી મળી હતી, પરંતુ બાદમાં જાણવા મળ્યું હતું કે ધમકી ખોટી હતી. એક અધિકારીએ આ માહિતી આપી. વિશાખાપટ્ટનમ એરપોર્ટના ડાયરેક્ટર એસ રાજા રેડ્ડીએ જણાવ્યું હતું કે દિલ્હી પોલીસને બોમ્બની ધમકી અંગેનો ફોન આવ્યો હતો અને તેણે એરલાઈન્સ અને વિશાખાપટ્ટનમ એરપોર્ટને તેની જાણ કરી હતી.

રેડ્ડીએ પીટીઆઈને જણાવ્યું હતું કે, પ્લેન સુરક્ષિત રીતે લેન્ડ થયું અને પ્લેનની સંપૂર્ણ તપાસમાં જાણવા મળ્યું કે તે ખોટો કોલ હતો. તેમણે જણાવ્યું કે વિશાખાપટ્ટનમ જતી ફ્લાઈટમાં 107 મુસાફરો સવાર હતા. ડિરેક્ટરે કહ્યું કે પ્લેનમાંથી મુસાફરોને ઉતારીને તપાસ કર્યા બાદ કંઈપણ શંકાસ્પદ મળ્યું નથી. રેડ્ડીએ કહ્યું કે દિલ્હી પરત ફરવાની ફ્લાઈટ શરૂ થઈ ગઈ છે અને તે લગભગ 12.30 વાગ્યે રવાના થઈ છે.

An Air India flight AI471 from Delhi to Visakhapatnam received a bomb threat late Tuesday (September 3, 2024) night, prompting heightened security measures and thorough inspection upon landing.#AirIndia #Bomb #Threat #AI #Delhi #Travel #Aviation #Vizaghttps://t.co/vNQbqXrqFR pic.twitter.com/w518DKu6NM

— Aviation A2z (@Aviationa2z) September 3, 2024

અગાઉ પણ આવી ઘટનાઓ બની
તમને જણાવી દઈએ કે આ પહેલા પણ એર ઈન્ડિયાના પ્લેનમાં બોમ્બની ધમકી મળી ચુકી છે. હકીકતમાં, તાજેતરમાં જ 135 મુસાફરો અને ક્રૂ સાથે મુંબઈથી ઉડાન ભરી રહેલા એર ઈન્ડિયાના વિમાનને બોમ્બની ધમકી મળી હતી, જેના પછી વિમાનને તિરુવનંતપુરમ ઈન્ટરનેશનલ એરપોર્ટ પર લેન્ડ કરવું પડ્યું હતું. પ્લેનના ટોયલેટમાં ટિશ્યુ પેપર પર વિમાનમાં બોમ્બ હોવાની ધમકી હતી. આ પછી વિમાનને ઉતાવળમાં ખાલી કરાવવામાં આવ્યું હતું. જ્યારે આ મામલે તપાસ કરવામાં આવી તો બોમ્બ અંગેના સમાચાર નકલી નીકળ્યા.

આ પણ વાંચો: કોલકાતા કાંડમાં સંદીપ ઘોષને કોર્ટ બહાર ઝીંક્યો લાફો, લગાવ્યા ચોર-ચોરના નારા

ઈન્ડિગો ઈમરજન્સી લેન્ડિંગ
અગાઉ, ઈન્ડિગો એરલાઈન્સના વિમાનને બેંગલુરુ માટે ઉડાન ભર્યાની થોડી જ મિનિટોમાં એન્જિનમાં ટેક્નિકલ ખામીના કારણે શુક્રવારે રાત્રે કોલકાતા એરપોર્ટ પર ઈમરજન્સી લેન્ડિંગ કરવું પડ્યું હતું. એક વરિષ્ઠ અધિકારીએ આ માહિતી આપી હતી. તેમણે કહ્યું કે ઈન્ડિગોની ફ્લાઈટ 6E0573 એ કોલકાતાના નેતાજી સુભાષ ચંદ્ર બોઝ ઈન્ટરનેશનલ (NSCBI) એરપોર્ટથી રાત્રે 10.36 વાગ્યે ઉડાન ભરી હતી પરંતુ ડાબા એન્જિનમાં ટેક્નિકલ ખામીને કારણે તેને 10.53 વાગ્યે ઈમરજન્સી લેન્ડિંગ કરાવ્યું હતું.