રાજસ્થાન સહિત 14 રાજ્યમાં વરસાદને લઈ એલર્ટ, 60 KMની ઝડપે ફૂંકાશે પવન
Heavy Rain: દિલ્હી-NCRમાં આજે ઠંડા પવનો ફૂંકાઈ રહ્યા છે. ફૂંકાતા પવનને કારણે લોકોને ભેજથી રાહત મળી છે. હવામાન વિભાગ (IMD) એ આજે સાંજ સુધીમાં રાજધાનીના હવામાનમાં પલટો આવવાની આગાહી કરી છે. આજે હવામાન વિભાગે દિલ્હી સહિત 14 રાજ્યોમાં ભારે વરસાદનું યલો એલર્ટ જાહેર કર્યું છે.
IMDએ રાજસ્થાનમાં 60 કિલોમીટર પ્રતિ કલાકની ઝડપે તોફાન આવવાની આગાહી કરી છે. ગુજરાતમાં આજે અને આગામી 2 દિવસમાં ભારે વરસાદની ચેતવણી આપવામાં આવી છે. ગુજરાતમાં છેલ્લા 3 દિવસથી વરસાદના કારણે સ્થિતિ ખરાબ છે. પૂરને ધ્યાનમાં રાખીને રાજ્ય સરકારે પ્રાથમિક શાળાઓ બંધ રાખવાનો આદેશ આપ્યો છે. મધ્યપ્રદેશમાં પણ આગામી 24 કલાકમાં ભારે વરસાદ પડી શકે છે. ચાલો જાણીએ કે આજે અને આગામી 2 દિવસ દેશભરમાં કેવું રહેશે હવામાન?
આ પણ વાંચો: વડોદરામાં વિશ્વામિત્રી ભયજનક સપાટીથી 6 ફૂટ ઉપર, અનેક વિસ્તારમાં પાણી ઘૂસ્યાં
દિલ્હીમાં 3 દિવસ સુધી હવામાન ખરાબ રહેશે
IMDની આગાહી અનુસાર, આજે સાંજ સુધીમાં દિલ્હીમાં હવામાન પલટાઈ જશે અને આગામી 3 દિવસ સુધી હવામાન ખૂબ જ ખરાબ રહેશે. દિલ્હીમાં 31 ઓગસ્ટ સુધી વરસાદની સંભાવના છે. આકાશ વાદળછાયું રહેશે અને ઠંડો પવન ફૂંકાશે જેના કારણે લોકોને ભેજવાળી ગરમીથી રાહત મળશે. આજે પાટનગરનું મહત્તમ તાપમાન 33 ડિગ્રી અને લઘુત્તમ તાપમાન 26 ડિગ્રી રહેવાની સંભાવના છે.
DD over north Gujarat moved westwards in past 6 hrs, about 70 km S-SE of Deesa. To move slowly W-SW across Gujarat region and reach Saurashtra & Kutch and adjoining areas of Pakistan and NE Arabian Sea by morning of 29th August. pic.twitter.com/iMd2YRWMNE
— India Meteorological Department (@Indiametdept) August 26, 2024
રાજ્યમાં વાવાઝોડાની શક્યતા
હવામાન વિભાગે આગાહી કરી છે કે આજે દેશના અનેક રાજ્યોમાં તોફાન કે જોરદાર પવન ફૂંકાઈ શકે છે. મધ્યપ્રદેશમાં 50 કિલોમીટર પ્રતિ કલાકની ઝડપે પવન ફૂંકાશે. આજે અને આવતીકાલે રાજસ્થાનમાં 60 કિમીની ઝડપે વાવાઝોડું ત્રાટકી શકે છે. ગુજરાત, મહારાષ્ટ્ર, બંગાળમાં 50 થી 55 કિલોમીટર પ્રતિ કલાકની ઝડપે પવન ફૂંકાઈ શકે છે. દરિયામાં ઊંચા મોજા ઉછળવાની શક્યતા છે.
Daily Weather Briefing English (26.08.2024)
YouTube : https://t.co/2QuF7Pl2LN
Facebook : https://t.co/RzJeGBY0pW#weatherupdate #rainfall #rainalerts #rain #monsoonupdate #IMDWeatherUpdate@moesgoi @ndmaindia @DDNational @airnewsalerts pic.twitter.com/TCUJnAnFf8— India Meteorological Department (@Indiametdept) August 26, 2024
આ રાજ્યોમાં આજે વરસાદની શક્યતા
હવામાન વિભાગના જણાવ્યા અનુસાર આગામી 24 કલાકમાં દિલ્હી, પંજાબ, હરિયાણા, ચંદીગઢ, હિમાચલ, જમ્મુ-કાશ્મીર, ઉત્તરાખંડ, ગુજરાત, રાજસ્થાન, પશ્ચિમ બંગાળ, ઝારખંડ, બિહાર, મધ્યપ્રદેશ, ઉત્તર પ્રદેશ, છત્તીસગઢ, મહારાષ્ટ્ર, કર્ણાટક અને આંધ્રપ્રદેશમાં દરિયાકાંઠાના વિસ્તારોમાં સારો વરસાદ થઈ શકે છે.
આ પણ વાંચો: ભારે વરસાદને લઈ દાહોદમાં તંત્ર એલર્ટ, લોકોની બહાર ન નીકળવા કરી અપલી
