જમ્મુ-કાશ્મીરમાં વાદળ ફાટવાની શક્યતા, હવામાન વિભાગે કરી ભારે વરસાદની આગાહી

Jammu Kashimr Weather: જમ્મુ-કાશ્મીરમાં આગામી 24 કલાકમાં ભારે વરસાદની આગાહી કરવામાં આવી છે. હવામાન વિભાગના જણાવ્યા અનુસાર અહીં વાદળ ફાટવાની શક્યતા છે. શનિવારે એક ખાનગી હવામાનની આગાહીમાં કહેવામાં આવ્યું છે કે જમ્મુ અને કાશ્મીરમાં ઘણી જગ્યાએ ભારે વરસાદ પડી શકે છે. પરંતુ બપોરે તે ઘટશે. જો કે હવામાન વિભાગે જણાવ્યું કે સાંજ સુધી વરસાદ ચાલુ રહી શકે છે.

બપોર સુધી જમ્મુ-કાશ્મીરમાં ઘણી જગ્યાએ વરસાદની સંભાવના છે. બપોર બાદ વરસાદની ગતિ બંધ થઈ જશે. જો કે, કેટલીક જગ્યાએ વરસાદનો સિલસિલો ચાલુ રહેશે તો સાથે જ આગામી 24 કલાકમાં ભારે વરસાદ અને વાદળ ફાટવાની આશંકા છે.

IMD અનુસાર, જમ્મુ-કાશ્મીરમાં હળવાથી મધ્યમ વરસાદની શક્યતા છે. સમગ્ર કેન્દ્રશાસિત પ્રદેશમાં સરેરાશ લઘુત્તમ તાપમાન 3.21 ડિગ્રી સેલ્સિયસ નોંધાયું છે જ્યારે મહત્તમ તાપમાન 7.22 ડિગ્રી સેલ્સિયસ રહેવાની ધારણા છે. શુક્રવારે મહત્તમ તાપમાન 9.42 ડિગ્રી અને લઘુત્તમ તાપમાન 3.75 ડિગ્રી નોંધાયું હતું.

આ પણ વાંચો: ‘બધા સુરક્ષિત છે, તપાસ ચાલુ છે…’ કાનપુર ટ્રેન દુર્ઘટના પર રેલ મંત્રી અશ્વિની વૈષ્ણવે આપી પ્રતિક્રિયા

તાપમાન વધતું અને ઘટતું રહેશે
જમ્મુ-કાશ્મીરમાં આગામી કેટલાક દિવસો સુધી હળવાથી મધ્યમ વરસાદની શક્યતા છે. IMD અનુસાર રવિવારે લઘુત્તમ તાપમાન 9.42 ડિગ્રી અને લઘુત્તમ 3.75 ડિગ્રી સેલ્સિયસ રહેવાની સંભાવના છે. ખીણમાં મહત્તમ તાપમાન પણ સોમવારે એટલે કે 19 ઓગસ્ટે ઘટશે અને તે 7.92 ડિગ્રી સેલ્સિયસ નોંધાશે. લઘુત્તમ તાપમાન 3.29 ડિગ્રી રહેવાની સંભાવના છે.

તાપમાન શૂન્યથી નીચે પહોંચી જશે
મંગળવારે મહત્તમ તાપમાનમાં વધારો થશે પરંતુ લઘુત્તમ તાપમાનમાં ઘટાડો થશે અને તે 2 ડિગ્રીથી નીચે નોંધાશે. પરંતુ તે પછી બુધવારે મહત્તમ ઘટાડો થશે અને 7.92 ડિગ્રી સેલ્સિયસ નોંધાશે. લઘુત્તમ તાપમાન પણ ઘટીને 1.27 ડિગ્રી સેલ્સિયસ રહેશે. ગુરુવારે તાપમાન લગભગ બુધવાર જેવું જ રહેશે પરંતુ શુક્રવારે લઘુત્તમ તાપમાન માઈનસથી નીચે પહોંચી જશે. શુક્રવારે લઘુત્તમ તાપમાન માઈનસ 0.1 ડિગ્રી સેલ્સિયસ રહેવાની શક્યતા છે.