ફ્રાન્સમાં બે રાફેલ લડાકુ વિમાન ટકરાયા, 2 પાયલોટના મોત

France: ફ્રાન્સના ઉત્તર-પૂર્વ વિસ્તારમાં ફ્રેન્ચ વાયુસેનાના બે રાફેલ ફાઈટર પ્લેન અથડાયા હતા. આ દુર્ઘટનામાં બે પાયલોટના મોત થયા હતા. ફ્રાંસના રાષ્ટ્રપતિ ઈમેન્યુઅલ મેક્રોને એર ક્રેશ વિશે માહિતી આપી હતી. રાષ્ટ્રપતિ ઈમેન્યુઅલ મેક્રોને કહ્યું કે બુધવારે તાલીમ દરમિયાન બે રાફેલ ફાઈટર જેટ ટકરાયા હતા.

ન્યૂઝ એજન્સી અનુસાર, ફ્રાન્સના રાષ્ટ્રપતિ ઈમેન્યુઅલ મેક્રોને તેની એક્સ-પોસ્ટ પર કહ્યું, “મને દુઃખદ સમાચારની જાણ કરવામાં આવી હતી કે તાલીમ મિશન દરમિયાન રાફેલ વિમાન હવાઈ દુર્ઘટનાનો શિકાર બન્યું હતું. આમાં બે પાયલોટ મૃત્યુ પામ્યા.

ફ્રેન્ચ એરફોર્સના જણાવ્યા અનુસાર, બુધવારે સ્થાનિક સમય મુજબ 12:30 વાગ્યે ઉત્તરપૂર્વીય ફ્રાન્સમાં બે રાફેલ ફાઇટર જેટ આકાશમાં અથડાયા હતા. જેના કારણે બંને એરક્રાફ્ટ ક્રેશ થયા હતા અને જમીન પર પડ્યા હતા. જર્મનીમાં ઈંધણ ભરીને પરત ફરતી વખતે આ અકસ્માત થયો હતો. એક વિમાનમાં બે પાઈલટ હતા અને બીજામાં એક પાઈલટ હતો. ફ્રાન્સના અધિકારીઓએ જણાવ્યું કે અન્ય જેટનો પાયલોટ દુર્ઘટનામાંથી સુરક્ષિત રીતે બચી ગયો.

ફ્રાન્સના સંરક્ષણ પ્રધાન સેબેસ્ટિયન લેચેર્નુએ તેમના એક્સ એકાઉન્ટ પર આ ઘટનાની પુષ્ટિ કરતા કહ્યું કે, ફ્રાન્સના ઉત્તર-પૂર્વીય ક્ષેત્રના મ્યુર્થ એટ મોસેલેમાં બુધવારે બપોરે બે રાફેલ ફાઇટર જેટ હવામાં અથડાયા હતા. બંને વિમાનોની ટક્કરનું કારણ હજુ સુધી જાણી શકાયું નથી. અધિકારીઓનું કહેવું છે કે આ દુર્ઘટના ઉત્તરપૂર્વીય ફ્રાન્સના શહેર કોલમ્બે-લે-બેલેસમાં બની હતી. જો સ્થાનિક પ્રશાસનનું માનીએ તો સૈન્ય સત્તાવાળાઓ દુર્ઘટનાના કારણો અંગે થોડા દિવસોમાં રિપોર્ટ રજૂ કરશે.

Nous apprenons avec tristesse les décès du capitaine Sébastien Mabire et du lieutenant Matthis Laurens, lors d’un accident aérien en mission d’entraînement en Rafale.

La Nation partage la peine de leurs familles et frères d’armes de la Base aérienne 113 de Saint-Dizier.

— Emmanuel Macron (@EmmanuelMacron) August 14, 2024

મલ્ટિ-રોલ ફાઇટર જેટ રાફેલ, જેનો ઉપયોગ હવાઈ શ્રેષ્ઠતા, જમીન અને દરિયાઈ લક્ષ્યો પર હુમલો કરવા, જાસૂસી કરવા અને ફ્રાન્સ માટે પરમાણુ શસ્ત્રો વહન કરવા માટે થાય છે. તે ફ્રેન્ચ શસ્ત્ર ઉદ્યોગમાં સૌથી વધુ વેચાતું લશ્કરી વિમાન છે. કોલમ્બે-લે-બેલેસના ડેપ્યુટી મેયર પેટ્રિસ બોન્યુક્સે મીડિયાને જણાવ્યું હતું કે, “અમે લગભગ 12:30 વાગ્યે જોરદાર અવાજ સાંભળ્યો.

તમને જણાવી દઈએ કે આ પહેલા ડિસેમ્બર 2007માં દક્ષિણ-પશ્ચિમ ફ્રાન્સના ન્યુવિક શહેરની નજીક એક રાફેલ જેટ ક્રેશ થયું હતું. જે બાદ આ દુર્ઘટના માટે પાયલટને જવાબદાર ગણવામાં આવ્યો હતો. રાફેલ વિમાનનો આ પ્રથમ અકસ્માત માનવામાં આવે છે. ત્યારબાદ, સપ્ટેમ્બર 2009માં, ટેસ્ટ ફ્લાઇટ પૂર્ણ કર્યા પછી પરપિગનન કિનારે ચાર્લ્સ ડી ગોલ એરક્રાફ્ટ કેરિયર પર પાછા ફરતી વખતે બે રાફેલ એરક્રાફ્ટ ક્રેશ થયા. જેમાં એક પાયલટનું મોત થયું હતું.