NSE પર માત્ર 5 મહિનામાં રજિસ્ટર થયા આટલા કરોડ નવાં ઈન્વેસ્ટર
Share Market: ભારતના સામાન્ય રોકાણકારો હવે જોખમ સાથે રોકાણ કરવામાં વધુ રસ દાખવી રહ્યા છે. આ જ કારણ છે કે ભારતમાં શેરબજારમાં રોકાણકારોની સંખ્યા સતત વધી રહી છે. ભારતીય સ્ટોક માર્કેટ એક્સચેન્જ NSE (નેશનલ સ્ટોક એક્સચેન્જ) એ ગુરુવારે જણાવ્યું હતું કે 8 ઓગસ્ટ, 2024ના રોજ તેના નોંધાયેલા રોકાણકારોની સંખ્યા 10 કરોડને વટાવી ગઈ છે.
NSE પર નોંધાયેલા ખાતાઓની કુલ સંખ્યા 19 કરોડ
ખાસ વાત એ છે કે NSEના કુલ 10 કરોડ રોકાણકારોમાંથી 1 કરોડ રોકાણકારો તો છેલ્લા 5 મહિનામાં જ નોંધાયા છે. એટલું જ નહીં એનએસઈએ જણાવ્યું કે એક્સચેન્જમાં નોંધાયેલા ક્લાયન્ટ કોડ્સ (એકાઉન્ટ્સ)ની કુલ સંખ્યા 19 કરોડ છે (ક્લાયન્ટ એક કરતાં વધુ ટ્રેડિંગ મેમ્બર સાથે નોંધણી કરાવી શકે છે).
Press Release: NSE registered investor base crosses 10 crore (100 million) unique investors (unique PANs) and 19 crore (190 million) total accounts. Follow the link to know more: https://t.co/tF3O4Rgxrv#PressRelease #NSEIndia #RegisteredInvestor @ashishchauhan @NSEIndia pic.twitter.com/0stwHF5JD1
— NSE India (@NSEIndia) August 8, 2024
ડિજિટલ થઈ રહેલા ભારતમાં શેરબજારમાં સરળ રોકાણ, રોકાણ કરવાની જાગરૂક્તામાં વૃદ્ધિ, સરળ કામગીરી અને બજાર સમાવેશના પ્રદર્શનને જોતા ગત 5 વર્ષમાં રોકાણકારોની સંખ્યામાં ત્રણ ગણાથી વધુનો ઉછાળો જોવા મળ્યો છે. છેલ્લા કેટલાક વર્ષોમાં NSE પર રોકાણકારોની નોંધણીમાં જબરદસ્ત વધારો થયો છે.
આ પણ વાંચો: ‘ચીન ટપાક ડમ ડમ’ કેમ સોશિયલ મીડિયામાં વાયરલ થયું?
4 કરોડ રોકાણકારોને 25 વર્ષ લાગ્યા
એક્સચેન્જે જણાવ્યું હતું કે માર્ચ 2021માં નોંધાયેલા રોકાણકારોની સંખ્યા 4 કરોડ સુધી પહોંચવામાં 25 વર્ષથી વધુ સમય લાગ્યો હતો. આ પછી સરેરાશ 6-7 મહિનામાં દરેક (4 કરોડથી 10 કરોડ) રોકાણકારોમાં એક કરોડનો વધારો થયો છે.
દેશના યુવાનો શેરબજારમાં રસ દાખવી રહ્યા છે.
NSEને તેના છેલ્લા એક કરોડ રોકાણકારો ઉમેરવામાં માત્ર 5 મહિના લાગ્યા હતા. NSE દ્વારા આપવામાં આવેલી માહિતી અનુસાર, 10 કરોડ નોંધાયેલા રોકાણકારોમાં રોકાણકારોની સરેરાશ ઉંમર 32 વર્ષ છે જ્યારે 5 વર્ષ પહેલા તે 38 વર્ષ હતી. જે સ્પષ્ટપણે દર્શાવે છે કે આજના ભારતના યુવાનો શેરબજારમાં ઘણો રસ દાખવી રહ્યા છે.
દર 5 રોકાણકારોમાંથી 1 મહિલા છે
વધુમાં આજે લગભગ 5માંથી 1 રોકાણકાર મહિલા છે. NSEના ચીફ બિઝનેસ ડેવલપમેન્ટ ઓફિસર શ્રીરામ ક્રિષ્નને જણાવ્યું હતું કે, “રોકાણકારોની સંખ્યામાં આ ઉછાળા પાછળ ઘણા કારણો છે જેમાં સુવ્યવસ્થિત KYC પ્રક્રિયા, નાણાકીય સાક્ષરતામાં વધારો અને બજારના હકારાત્મક વલણોનો સમાવેશ થાય છે.
