હિઝબુલ્લાહ દ્વારા મોટો હુમલો, 50 મિસાઇલો છોડવામાં આવી; ઇઝરાયલનો દાવો – તમામ માર્યા ગયા
ઈઝરાયલ: હિઝબુલ્લાહે ઈઝરાયલ પર હવાઈ હુમલો કર્યો છે. ઈરાન સમર્થિત આ આતંકવાદી સંગઠને ઈઝરાયલ પર એક પછી એક ડઝનબંધ રોકેટ છોડ્યા હતા. હિઝબુલ્લાએ ઉત્તર ઈઝરાયલમાં આ હુમલો કર્યો હતો. ઈરાન સમર્થિત જૂથે કહ્યું કે તેણે બદલો લેવાના કૃત્ય તરીકે બીટ હિલેલમાં હુમલો કર્યો હતો. લેબનોનથી તેણે ઇઝરાયલ પર એક સાથે 50 મિસાઇલો છોડી હતી. આયર્ન ડોમે તમામ મિસાઇલોને નિષ્ફળ બનાવી દીધી.
જો કે આ હુમલામાં ઈઝરાયલમાં કોઈ જાનહાનિના સમાચાર નથી. બે દિવસ પહેલા ઇઝરાયેલે લેબનોનના કફર કેલા અને ડેર સિરિયાનમાં હવાઈ હુમલા કર્યા હતા. આ હુમલામાં ઘણા નાગરિકો ઘાયલ થયા હતા. જેના જવાબમાં હિઝબુલ્લાહે ઈઝરાયલ પર રોકેટ છોડ્યા હતા. ચાર દિવસ પહેલા ઇઝરાયેલે લેબનોનની રાજધાની બેરૂતમાં હવાઈ હુમલો કર્યો હતો.
આ હુમલામાં હિઝબુલ્લાહ કમાન્ડર હજ મોહસીન ઉર્ફે ફુઆદ શુકર માર્યો ગયો હતો. આ સિવાય કેટલાક સીરિયન નાગરિકો માર્યા ગયા હતા. માત્ર 48 કલાક પછી, હિઝબુલ્લાએ ઇઝરાયેલ પર જોરદાર હુમલો કર્યો. લેબનોનથી તેણે ઉત્તરી ઈઝરાયલ પર ડઝનબંધ રોકેટ છોડ્યા. કમાન્ડર મોહસીન હિઝબુલ્લાના ચીફ નસરાલ્લાહનો નજીકનો સહયોગી માનવામાં આવતો હતો. IDFએ ફુઆદને નસરાલ્લાહનો જમણો હાથ ગણાવ્યો હતો.
આ પણ વાંચો: મહિલા પોલીસ કર્મીએ એટ્રોસિટીનો દુરુપયોગ કર્યો: જીગ્નેશ મેવાણી
તાજેતરમાં જ ઈઝરાયલે હમાસના વડા ઈસ્માઈલ હાનિયાની હત્યા કરી હતી. ઈઝરાયલની ગુપ્તચર સંસ્થા મોસાદે ઈરાનમાં ઘૂસીને હાનિયાની હત્યા કરી નાખી હતી. હાનિયાના મોત બાદ મધ્ય પૂર્વમાં તણાવ વધી ગયો છે. ઈઝરાયલ-હમાસ યુદ્ધ બાદ ઈઝરાયલ અને ઈરાન વચ્ચે યુદ્ધ પણ થઈ શકે છે. હિઝબુલ્લાહ ઈરાન દ્વારા સમર્થિત આતંકવાદી સંગઠન છે, તેણે ઈઝરાયલ પર હુમલો કરવાનું શરૂ કરી દીધું છે.
હાનિયાના મોતનો બદલો ઈરાન ચોક્કસપણે લેશે. ઈઝરાયલની જાસૂસી સંસ્થા મોસાદ આને લઈને ઘણી સતર્ક થઈ ગઈ છે. હાનિયાની હત્યાથી ઈરાન અને ઈઝરાયલ વચ્ચે કોઈપણ સમયે યુદ્ધ થઈ શકે છે. ઈરાને સ્પષ્ટ કહ્યું છે કે હાનિયાની હત્યાનો બદલો લેવામાં આવશે. ઇઝરાયેલને તેના કાર્યો માટે ચોક્કસપણે સજા આપવામાં આવશે.
