નેપાળમાં વધી કડકાઇ તો રોહિંગ્યાઓએ બદલી દીધો ટ્રાન્ઝિટ રૂટ, ATSને મળ્યા ઇનપુટ્સ
ઉત્તર પ્રદેશ: રાયબરેલીના સલોન વિસ્તારમાં ડુપ્લિકેટ બર્થ સર્ટિફિકેટના કેસમાં તપાસ કરી રહેલ પોલીસને ઉત્તર પ્રદેશ ATSની સાથે સાથે IB દ્વારા મહત્વના ઇનપુટ્સ આપવામાં આવ્યા છે. તેમાં સૌથી મહત્વના ઇનપુટ્સ રોહિંગ્યાઓના ટ્રાન્ઝિટ રૂટ બદલવાને લઈને મળ્યા છે. નેપાળમાં સંખ્યા વધવાના વિરોધમાં શરૂ થયેલા પ્રદર્શન વચ્ચે રોહિંગ્યા મુસ્લિમો હવે ભારતના સરહદી જિલ્લાઓમાં આશરો શોધી રહ્યા છે.
ઇનપુટ્સમાં કહેવામાં આવ્યું છે કે ઉત્તર પ્રદેશના બહરાઈચ, બલરામપુર, શ્રાવસ્તી, સિદ્ધાર્થનગર, મહારાજગંજ, પીલીભીત અને લખીમપુરના વિસ્તારો પર રોહિંગ્યાઓની નજર છે. એવામાં સંબંધિત જિલ્લાઓને એલર્ટ કરી દેવામાં આવ્યા છે. રોહિંગ્યા મોટી સંખ્યામાં વર્ષ 2012માં બંગાળ, આસામ, ઝારખંડ, બિહાર અને ઉત્તર પ્રદેશ થઈને નેપાળ પહોંચ્યા હતા.
બંગાળથી ટ્રેન દ્વારા દિલ્હી અને બાદમાં ત્યાંથી પાકિસ્તાન સરહદ પાસે જમ્મુ કાશ્મીરના સંવેદનશીલ વિસ્તારોમાં જઈ રહ્યા છે. તેમાંના મોટાભાગના લોકોએ બરેલીની જેમ નકલી ચૂંટણી કાર્ડ, રેશન કાર્ડ, આધાર કાર્ડ અને પાસપોર્ટ પણ બનાવ્યા હતા. નેપાળમાં જેમ જેમ રોહિંગ્યા વસાહતોનો વિસ્તાર થતો ગયો તેમ તેમ તેઓએ પરંપરાગત પ્રવૃત્તિઓમાં પણ દખલ કરવાનું શરૂ કરી દીધું છે.
રોહિંગ્યાઓના દખલને કારણે સ્થાનિક લોકોના હિતોને અસર થવા લાગી. વિરોધ વધતાં હવે રોહિંગ્યાઓએ ભારતીય વિસ્તારોમાં આશ્રય શોધવાનું શરૂ કર્યું છે. આ અંતર્ગત બિહાર ઉપરાંત ઉત્તર પ્રદેશના ગોરખપુર, ગોંડા, શ્રાવસ્તી, બલરામપુર અને બહરાઈચમાં ઘૂસણખોરીના પ્રયાસો કરવામાં આવ્યા છે. છેલ્લા દિવસોમાં આ જિલ્લાઓમાં તેમની ગતિવિધિના સંકેતો મળી રહ્યા છે.
