Champions Trophy: હવે આ ખેલાડી ઈન્ટરનેશનલ ક્રિકેટમાં પરત નહીં ફરે

Champions Trophy: ODI વર્લ્ડ કપ 2023 અને T20 વર્લ્ડ કપ 2024 પછી ક્રિકેટમાં ઘણા બદલાવ જોવા મળ્યા છે. દુનિયાભરના ઘણા ખેલાડીઓએ નિવૃત્તિની જાહેરાત કરી દીધી છે. આ વચ્ચે વધુ એક સમાચાર સામે આવી રહ્યા છે. જે ક્રિકેટ ચાહકોને ચોંકાવી દેશે. અમે જેની વાત કરી રહ્યા છે તે છે ઓસ્ટ્રેલિયાના સૌથી મોટા ખેલાડીઓમાંથી એક ડેવિડ વોર્નરની.

સંપૂર્ણપણે નિવૃત્ત
ડેવિડ વોર્નરે આંતરરાષ્ટ્રીય ક્રિકેટમાંથી નિવૃત્તિ લઈ લીધી છે, પરંતુ તેણે કહ્યું હતું કે જો ટીમને જરૂર પડશે તો તે વર્ષ 2025માં રમાનારી ચેમ્પિયન્સ ટ્રોફીમાં વાપસી કરી શકે છે. પરંતુ હવે નથી લાગતું કે તે વાપસી કરશે. આવતા વર્ષે પાકિસ્તાનમાં ચેમ્પિયન્સ ટ્રોફી યોજાવાની છે. પરંતુ આ દરમિયાન તેની આશાઓને ત્યારે ફટકો પડ્યો જ્યારે ઓસ્ટ્રેલિયન સિલેક્ટરે કહ્યું કે વોર્નરને સંપૂર્ણપણે નિવૃત્ત માનવામાં આવે છે.

આ પણ વાંચો: પાકિસ્તાનને ધૂળ ચટાડી યુવરાજ સિંહની સેના WCLની વિજેતા બની

ડેવિડ વોર્નર સંપૂર્ણપણે નિવૃત્ત
ઓસ્ટ્રેલિયન ક્રિકેટ ટીમના પસંદગીકાર જ્યોર્જ બેઈલી માહિતી આપતા કહ્યું કે અમારી સમજણ એ છે કે ડેવિડ વોર્નરે હવે નિવૃત્તિ લઈ લીધી છે. બેઇલીએ કહ્યું કે વોર્નર ચોક્કસપણે ચેમ્પિયન્સ ટ્રોફી માટે અમારી યોજનામાં નથી. બેઇલીએ કહ્યું કે પસંદગીકારો સફેદ બોલ ક્રિકેટના અન્ય ખેલાડીઓથી આગળ વધી રહ્યા નથી. તે ભવિષ્ય પર ધ્યાન કેન્દ્રિત કરે છે. મેથ્યુ વેડને પણ આ શ્રેણીમાંથી બાકાત રાખવામાં આવ્યો છે. સ્ટ્રેલિયન પસંદગીકારોએ હવે વર્ષ 2026માં યોજાનાર ટી-20 વર્લ્ડ કપની તૈયારી શરૂ કરી દીધી છે.