દિલ્હી-દરભંગા ફ્લાઇટમાં AC વગર મુસાફરોની હાલત ખરાબ, કેટલાકની તબિયત બગડી
Delhi-Darbhanga Flight: રાજધાની દિલ્હીમાં હવામાનના કારણે લોકો પરેશાન છે. હીટવેવ અને ગરમ રાતે દિલ્હીના લોકોની પરેશાનીઓ વધારી દીધી છે. ગરમીને લઈને દરરોજ નવા રેકોર્ડ બની રહ્યા છે. આવી સ્થિતિમાં દિલ્હીથી દરભંગા જઈ રહેલી ફ્લાઈટ (SG 486)માં મુસાફરોને ટેક ઓફ કરતા પહેલા લગભગ એક કલાક રાહ જોવી પડી હતી. આશ્ચર્યની વાત એ છે કે આ દરમિયાન ફ્લાઈટમાં એસી બંધ હતું. એસી વગર મુસાફરોની હાલત કફોડી હતી. ફ્લાઇટમાં ઘણા મુસાફરો હાથ પંખા મારતા જોવા મળ્યા હતા.
#WATCH | SpiceJet passengers travelling from Delhi to Darbhanga (SG 476) had to wait inside an aircraft without air conditioning (AC) for over an hour amid the ongoing heatwave, with several feeling unwell. pic.twitter.com/cIj2Uu1SQT
— ANI (@ANI) June 19, 2024
કેટલાકની તબિયત બગડી
મળતી માહિતી મુજબ, દિલ્હીથી દરભંગા જતા મુસાફરોને ફ્લાઇટમાં એક કલાક સુધી રાહ જોવી પડી હતી. આ દરમિયાન AC ચાલુ ન થવાને કારણે અનેક મુસાફરોની તબિયત લથડી હતી. ફ્લાઇટની અંદરનો એક વીડિયો પણ સામે આવ્યો છે જેમાં મોટાભાગના મુસાફરો હાથ પર પંખા મારતા જોવા મળે છે. કેટલાક હાથ વડે પરસેવો લૂછી રહ્યા છે.
ફ્લાઇટ એસી અને ઓક્સિજન વિના હતીઃ મુસાફરો
રોહન કુમાર નામના પેસેન્જરે જણાવ્યું કે, ‘આજે હું સ્પાઈસ જેટની ફ્લાઈટ (SG 486) દ્વારા દિલ્હીથી દરભંગા જઈ રહી હતી. તેણે દિલ્હી એરપોર્ટ પર ચેક ઇન કર્યું પરંતુ લગભગ એક કલાક સુધી એસી ચાલુ ન કર્યું. ફ્લાઇટની અંદરનું તાપમાન 40 ડિગ્રી સેલ્સિયસની આસપાસ પહોંચી ગયું હતું. જેના કારણે તમામ મુસાફરોને મુશ્કેલીનો સામનો કરવો પડ્યો હતો. જ્યારે ફ્લાઈટ ટેકઓફ થઈ ત્યારે એસી ઓન થઈ ગયું હતું. અમે એસી અને ઓક્સિજન વિના એક કલાક સુધી ફ્લાઈટમાં બેઠા.