Lok Sabha Election: 5માં તબક્કામાં 57.47 ટકા મતદાન, મહારાષ્ટ્રમાં સૌથી ઓછું મતદાન
Lok Sabha Election 2024: લોકસભા ચૂંટણીના 5માં તબક્કામાં 8 રાજ્યો અને કેન્દ્રશાસિત પ્રદેશોની 49 બેઠકો પર મતદાન થયું હતું. આ દરમિયાન સરેરાશ 57.47 ટકા મતદાન થયું હતું. તમામ બેઠકો માટે મતદાન સવારે 7 વાગ્યાથી શરૂ થયું હતું અને સાંજે 6 વાગ્યા સુધી ચાલ્યુ હતું. ચૂંટણી પંચે જણાવ્યું કે ઓડિશા વિધાનસભા માટે બીજા તબક્કાના મતદાનમાં બાકીની 35 બેઠકો પર સાંજે 5 વાગ્યા સુધી 60.54 ટકા મતદાન થયું હતું. આ તબક્કામાં સૌથી વધુ મતદાન પશ્ચિમ બંગાળમાં થયું છે, જ્યાં સૌથી વધુ 73.00 ટકા મતદારોએ સાંજે 5 વાગ્યા સુધી મતદાન કર્યું હતું. મહારાષ્ટ્રમાં સૌથી ઓછું 48.66 ટકા મતદાન થયું હતું.
આ પણ વાંચો: PM મોદી ગર્જયા: કોંગ્રેસ અને INDIA ગઠબંધનની હાર નિશ્ચિત
બિહારની 5 લોકસભા સીટો પર લગભગ 56% મતદાન
બિહારમાં લોકસભા ચૂંટણીના 5માં તબક્કામાં સીતામઢી, મધુબની, મુઝફ્ફરપુર, સારણ અને હાજીપુર સંસદીય મતવિસ્તારમાં સાંજે 6 વાગ્યે મતદાન સમાપ્ત થયું. આ સમયગાળા દરમિયાન લગભગ 56 ટકા મતદારોએ તેમના મતાધિકારનો ઉપયોગ કર્યો હતો. બિહારના મુખ્ય ચૂંટણી અધિકારી એચઆર શ્રીનિવાસને સોમવારે જણાવ્યું હતું કે સાંજે 6 વાગ્યા સુધી આ પાંચ લોકસભા મતવિસ્તારોમાં 55.85 ટકા મતદારોએ મતદાન કર્યું છે, જે 2019ની છેલ્લી લોકસભા ચૂંટણી કરતાં 1.22 ટકા ઓછું છે. છેલ્લી લોકસભા ચૂંટણીમાં આ સંસદીય ક્ષેત્રોમાં 57.07 ટકા મતદાન થયું હતું. કેટલાક બૂથ પર, મતદાન સમાપ્ત થાય તે પહેલાં મોટી સંખ્યામાં મતદારો કતારમાં ઉભા હતા અને તેમને મતદાન કરવાની મંજૂરી આપવામાં આવી હતી. તેથી, મતદાનના અંતિમ આંકડાઓ બદલાઈ શકે છે.
Despite all odds, the 5th Phase of the Lok Sabha election in Bengal unfolded peacefully, and with the blessings of our Ma, Mati, Manush, we're certain that the mandate will be in our favour.
The smooth conduct of elections in Barrackpore, a constituency labeled as "volatile" by… pic.twitter.com/tpCYt2LvGP
— All India Trinamool Congress (@AITCofficial) May 20, 2024
બંગાળમાં સાંજે 5 વાગ્યા સુધી 73 ટકા મતદાન
સામાન્ય ચૂંટણીના 5માં તબક્કામાં પશ્ચિમ બંગાળની 7 લોકસભા સીટો પર સોમવારે સાંજે 5 વાગ્યા સુધી 73 ટકા મતદાન થયું હતું. ચૂંટણી પંચના એક અધિકારીએ આ જાણકારી આપી. તેમણે કહ્યું કે સૌથી વધુ મતદાન અરામબાગ સંસદીય મતવિસ્તારમાં 76.90 ટકા, ત્યારબાદ બોનગાંવમાં 75.73 ટકા, ઉલુબેરિયામાં 74.50 ટકા, હુગલીમાં 74.14 ટકા, શ્રીરામપુરમાં 71.18 ટકા, હાવડા અને બેરાકતુનપુર લોકસભામાં 68.84-68.84 ટકા મતદાન થયું હતું. મતદાન સવારે 7 વાગ્યાથી શરૂ થયું હતું અને સાંજે 6 વાગ્યા સુધી ચાલશે. તેમણે કહ્યું કે 4.30 સુધી પશ્ચિમ બંગાળના મુખ્ય ચૂંટણી કાર્યાલયને ચૂંટણી સંબંધિત 1,913 ફરિયાદો મળી છે. પંચના જણાવ્યા અનુસાર,જમ્મુ-કાશ્મીરની બારામુલ્લા લોકસભા સીટ પર બપોરે 3 વાગ્યા સુધી 45 ટકાથી વધુ મતદાન થયું છે. છેલ્લા 40 વર્ષમાં અત્યાર સુધીનું આ સૌથી વધુ મતદાન છે. સીટ પર કુલ 45.22 ટકા મતદાન થયું હતું. અગાઉ 1984માં 58.84 ટકા મતદાન થયું હતું.
