જો ટીમ ઈન્ડિયા પાકિસ્તાન સામે આ ભૂલોનું પુનરાવર્તન કરશે તો મુશ્કેલીમાં મુકાશે

Champions Trophy: ચેમ્પિયન્સ ટ્રોફીની પહેલી મેચમાં ટીમ ઈન્ડિયાએ બાંગ્લાદેશને 6 વિકેટે હરાવ્યું. ટીમ ઈન્ડિયાનો વિજય એટલો સરળ નહોતો જેટલો તે દેખાતો હતો અને તેને ઘણો સંઘર્ષ કરવો પડ્યો, જેમાં ટીમ ઈન્ડિયાની ભૂલો પણ મહત્વપૂર્ણ સાબિત થઈ. ત્યારે હવે રવિવાર 23 ફેબ્રુઆરીના રોજ દુબઈ ઇન્ટરનેશનલ સ્ટેડિયમ ખાતે ભારત અને પાકિસ્તાનની મેચ યોજાવા જઈ રહી છે.

ચેમ્પિયન્સ ટ્રોફી 2025ના પાંચમા મુકાબલામાં ભારત અને પાકિસ્તાનની ટીમો એકબીજા સામે ટકરાશે. એક તરફ, ટીમ ઈન્ડિયા પોતાની પહેલી મેચ જીતીને આ મેચ માટે મેદાનમાં ઉતરશે. બીજી તરફ પહેલી મેચમાં કારમી હાર બાદ પાકિસ્તાની ટીમ જીતની આશા સાથે મેચમાં ઉતરશે. આવી સ્થિતિમાં આ મેચ પાકિસ્તાની ટીમ માટે પણ મુશ્કેલ હોવાનું કહેવાય છે, કારણ કે ટીમનું ફોર્મ ખૂબ જ ખરાબ છે. પરંતુ ટીમ ઈન્ડિયાએ જે પ્રદર્શન સાથે પહેલી મેચ જીતી હતી તે જોઈને એવો ભય વ્યક્ત કરવામાં આવી રહ્યો છે કે ટીમ ઈન્ડિયા ફસાઈ શકે છે.

વાત એ છે ગુરુવાર, 20 ફેબ્રુઆરીએ દુબઈમાં ટીમ ઈન્ડિયાએ તેની પહેલી મેચમાં બાંગ્લાદેશને 6 વિકેટથી હરાવ્યું હતું. ટીમ ઈન્ડિયાએ પહેલા બોલિંગ કરતા બાંગ્લાદેશને 228 રન પર રોકી દીધું અને પછી માત્ર 4 વિકેટ ગુમાવીને આ લક્ષ્ય પ્રાપ્ત કર્યું. ત્યારે આ જીત ખૂબ જ સરળ લાગે છે પરંતુ આ આખી મેચમાં જે કંઈ જોવા મળ્યું તે તેનું વાસ્તવિક સત્ય એ છે કે જો ટીમ ઈન્ડિયા 23 ફેબ્રુઆરીએ આ રીતે જ રમત રમશે, તો પાકિસ્તાનને હરાવવું મુશ્કેલ બનશે.

ખરાબ ફિલ્ડિંગ ભારે પડશે
આ ડરનું સૌથી મોટું કારણ બાંગ્લાદેશ સામે ટીમ ઈન્ડિયાનું ફિલ્ડિંગ હતું. ભલે ટીમ ઈન્ડિયા પાસે ઘણા ઉત્તમ ફિલ્ડરો છે, પરંતુ પહેલી મેચમાં પરિસ્થિતિ બિલકુલ વિપરીત હતી અને કેપ્ટન રોહિત શર્મા પણ તેમાં સામેલ હતો. આ મેચમાં ભારતીય ટીમે બે સરળ કેચ છોડ્યા, જેમાં પહેલી ભૂલ રોહિતે કરી. અક્ષર પટેલની બોલિંગમાં રોહિતે ઝાકિર અલીનો સીધો કેચ છોડી દીધો અને અક્ષર તેની હેટ્રિક પૂર્ણ કરી શક્યો નહીં. ઝાકિરે બાદમાં એક શાનદાર ઇનિંગ રમી.

રોહિત પછી હાર્દિક પંડ્યાએ પણ એક સીધો અને સરળ કેચ છોડ્યો, જેના પછી તૌહીદ હૃદયોયે શાનદાર સદી ફટકારી. આ બે ઉપરાંત વિકેટકીપર કેએલ રાહુલે પણ ખૂબ જ સરળ સ્ટમ્પિંગ ચૂકીને ટીમની મુશ્કેલીઓ વધારી. આ ભૂલો પાકિસ્તાન સામે ખૂબ મોંઘી સાબિત થઈ શકે છે.

બોલરો વચ્ચેની ઓવરોમાં બિનઅસરકારક રહ્યાં
આ મેચમાં ટીમ ઈન્ડિયાના બોલરોએ શાનદાર પ્રદર્શન કર્યું. મોહમ્મદ શમીએ પહેલી ઓવરમાં જ વિકેટ લીધી, જ્યારે હર્ષિત રાણાને પણ બીજી જ ઓવરમાં સફળતા મળી. ટીમ ઈન્ડિયાએ માત્ર 35 રનમાં 5 વિકેટ લઈ લીધી હતી. આમ છતાં ઝાકીર અને તૌહીદે છઠ્ઠી વિકેટ માટે 154 રનની શાનદાર ભાગીદારી નોંધાવતા બાંગ્લાદેશે 228 રન બનાવ્યા. આ પછી પણ બોલરોએ કેટલીક તકો ઉભી કરી જેનો લાભ લેવામાં ફિલ્ડરો નિષ્ફળ રહ્યા. તેમ છતાં વચ્ચેની ઓવરોમાં વિકેટ ન લઈ શકવી એ આગામી બે મેચમાં ટીમ ઈન્ડિયા માટે અત્યંત ઘાતક સાબિત થઈ શકે છે.

જો આપણે પહેલા બેટિંગ કરવી પડે તો…
ભારતીય ટીમને આ લક્ષ્યનો પીછો કરવામાં મુશ્કેલીનો સામનો કરવો પડ્યો, છતાં તેને ચોક્કસ સફળતા મળી. લક્ષ્યનો પીછો કરતી વખતે ટીમ ઈન્ડિયા ઘણીવાર જીત નોંધાવવામાં સફળ રહે છે. જોકે દુબઈમાં ઝાકળના અભાવે બીજા દાવમાં બેટિંગ કરવી મુશ્કેલ સાબિત થઈ રહી છે, જેનું ધ્યાન રાખવાની જરૂર છે, પરંતુ ટીમ ઈન્ડિયા માટે સૌથી મોટો પડકાર પહેલા બેટિંગ કરવાનો છે. આનું કારણ શરૂઆતથી જ ધીમી રમતી પિચ અને સ્પિનરોને આપવામાં આવતી મદદ છે. પહેલા બોલિંગ કરતા ટીમ ઈન્ડિયાએ 9મી ઓવરમાં જ સ્પિનર ​​અક્ષર પટેલને મેદાનમાં ઉતાર્યો અને તેણે સતત 2 વિકેટ લીધી.

પહેલી ઇનિંગમાં બેટિંગ માટે પિચ બહુ મદદરૂપ નથી, આવી સ્થિતિમાં જો ટીમ ઈન્ડિયા પહેલા બેટિંગ કરતી વખતે મોટો સ્કોર કરવામાં નિષ્ફળ જાય તો પાકિસ્તાની ટીમના ફોર્મ પર પ્રશ્નાર્થ હોવા છતાં તેનો બચાવ કરવો સરળ રહેશે નહીં.