સાઉદી અરેબિયામાં ભયાનક માર્ગ અકસ્માત, 9 ભારતીયોના મોત

Saudi Arabia Road Accident: સાઉદી અરેબિયામાં એક ભયાનક માર્ગ અકસ્માત થયો છે. આ અકસ્માતમાં 9 ભારતીયોના મોત થયા છે. જેદ્દાહ સ્થિત ભારતીય કોન્સ્યુલેટ દ્વારા આ અંગે માહિતી આપવામાં આવી છે. ભારતીય કોન્સ્યુલેટે જણાવ્યું હતું કે આ અકસ્માત પશ્ચિમ સાઉદી અરેબિયાના જીઝાન નજીક થયો હતો. કોન્સ્યુલેટેએ કહ્યું કે તે અકસ્માતમાં માર્યા ગયેલા લોકોના પરિવારોના સંપર્કમાં છે. ભારતીય મિશન સાઉદી અધિકારીઓના સંપર્કમાં પણ છે જ્યાંથી તેમને સંપૂર્ણ સમર્થન મળી રહ્યું છે.

એસ જયશંકરે દુઃખ વ્યક્ત કર્યું
વિદેશ મંત્રી એસ જયશંકરે પણ આ અકસ્માત પર દુઃખ વ્યક્ત કર્યું છે. તેમણે કહ્યું કે આ દુર્ઘટના અને લોકોના મોત વિશે જાણીને તેમને “દુઃખ” થયું છે. ટ્વિટર પર એક પોસ્ટમાં, વિદેશ મંત્રીએ કહ્યું, “જેદ્દાહમાં અમારા કોન્સ્યુલ જનરલ સાથે વાત કરી, જેઓ સંબંધિત પરિવારોના સંપર્કમાં છે.” આ દુઃખદ પરિસ્થિતિમાં તે સંપૂર્ણ સહયોગ આપી રહ્યા છે.

Grieved to learn of this accident and the loss of lives. Spoke with our Consul General in Jeddah, who is in touch with the concerned families. He is extending fullest support in this tragic situation. https://t.co/MHmntScjOT

— Dr. S. Jaishankar (@DrSJaishankar) January 29, 2025

ભારતીય કોન્સ્યુલેટ તમામ શક્ય સહાય પૂરી પાડી રહ્યું છે
ભારતીય કોન્સ્યુલેટે એક પોસ્ટમાં જણાવ્યું હતું કે અમે સાઉદી અરેબિયાના પશ્ચિમ ક્ષેત્રમાં જીઝાન નજીક માર્ગ અકસ્માતમાં 9 ભારતીય નાગરિકોના દુઃખદ મૃત્યુ પર ઊંડા શોક વ્યક્ત કરીએ છીએ. શોકગ્રસ્ત પરિવારો પ્રત્યે અમારી સંવેદના. જેદ્દાહમાં ભારતના કોન્સ્યુલેટ જનરલ સંપૂર્ણ સહાય પૂરી પાડી રહ્યા છે અને અસરગ્રસ્ત પરિવારોના સંપર્કમાં છે. અમે ઘાયલોના ઝડપી સ્વસ્થ થવાની પણ કામના કરીએ છીએ.