એપલ કો-ફાઉન્ડરની પત્નીએ મહાકાળી બીજ મંત્રથી લીધી દીક્ષા, નવું નામ ‘કમલા’ અપાયું; વાંચો સમગ્ર માહિતી

Mahakumbh 2025: એપલના સહ-સ્થાપક અને અબજોપતિ ઉદ્યોગપતિ સ્ટીવ જોબ્સની પત્ની લોરેન પોવેલ જોબ્સ મહાકુંભમાં ભાગ લેવા પહોંચ્યા છે. તે નિરંજની અખાડાના આચાર્ય મહામંડલેશ્વર સ્વામી કૈલાશાનંદ ગિરીના કેમ્પમાં રહે છે. જોબ્સ 13 જાન્યુઆરીએ પ્રયાગરાજ પહોંચી હતી. તેઓ મકરસંક્રાંતિના દિવસે સ્નાન કરવા પણ માગતી હતી, પરંતુ તબિયત ખરાબ હોવાને કારણે તે અમૃત સ્નાન કરી શકી નહોતી. બુધવારે તેમણે તેમના ગુરુ આચાર્ય મહામંડલેશ્વર સ્વામી કૈલાશાનંદ ગિરી પાસેથી દીક્ષા લીધી હતી. લોરેન પોવેલને મહાકાળીના બીજ મંત્રમાં દીક્ષા આપવામાં આવી છે. તે ‘ઓમ ક્રીં મહાકાલિકા નમઃ’નો જાપ કરશે.

મહાકુંભમાં ભારે ભીડથી અભિભૂત એપલના સહ-સ્થાપક સ્ટીવ જોબ્સની પત્ની પ્રયાગરાજ પહોંચ્યા પછી બીમાર થઈ ગઈ . તેમની તબિયત લથડી હતી, પરંતુ ગંગામાં સ્નાન કરીને આરામ કર્યા બાદ તેમની તબિયતમાં સુધારો થઈ રહ્યો છે.

પોવેલને સનાતન ધર્મમાં ઊંડો રસ
આચાર્ય મહામંડલેશ્વર સ્વામી કૈલાશાનંદ ગિરીએ કહ્યું કે, ‘તમામ પ્રશ્નો સનાતન ધર્મની આસપાસ ફરે છે અને તેમને જવાબોથી ખૂબ જ આનંદ અને સંતોષ મળે છે. લોરેનની આધ્યાત્મિકતાની શોધ તેને મહાકુંભમાં લઈ આવી હતી. અહીં તેને નવું નામ કમલા આપવામાં આવ્યું છે. તે ખૂબ જ સરળ, નમ્ર છે. આધ્યાત્મિકતા માટેની તેમની શોધ તેમને અહીં લાવી છે. અખાડામાં તેમનું જે આચરણ છે તે સ્પષ્ટ કરે છે કે વિશ્વના સૌથી ધનિક અને સૌથી પ્રખ્યાત લોકોમાંના એક હોવા છતાં તેઓ અહંકારથી દૂર છે અને દેખાડો કરતા નથી.’

‘અહીં તે કપડાં પહેરે છે અને સરળ રીતે વર્તે છે. તે પોતાની લો પ્રોફાઇલ રાખે છે. તે આપણી શાશ્વત અને કાલાતીત સનાતની સંસ્કૃતિ, બધી ચેતનાની ઉત્પત્તિ જોવા માટે અહીં આવી છે. અહીં તે સનાતની આસ્થાના પ્રહરીઓ, સંતો અને ઋષિઓને મળી રહી છે.’ પુરીએ કહ્યું કે, લોરેન પહેલીવાર મહાકુંભમાં આવી છે.

તેણી કાશી વિશ્વનાથની મુલાકાત લીધી હતી
તેઓ કાશી વિશ્વનાથના દર્શન કર્યા બાદ મહાકુંભમાં આવ્યા હતા. મહાકુંભમાં આવતા પહેલા લોરેન પોવેલે કાશી વિશ્વનાથની મુલાકાત લીધી હતી. ગંગામાં નૌકાવિહાર કર્યા બાદ તે માથા પર દુપટ્ટો બાંધીને બાબા વિશ્વનાથના દરબારમાં પહોંચ્યા હતા. તેમણે ગર્ભગૃહની બહારથી બાબાના આશીર્વાદ લીધા હતા. સનાતન ધર્મમાં બિન-હિન્દુઓ શિવલિંગને સ્પર્શતા નથી, તે ધ્યાનમાં રાખીને તેમણે બહારથી દર્શન કર્યા હતા.

સ્ટીવ જોબ્સે પત્ર લખીને કુંભમાં આવવાની ઈચ્છા વ્યક્ત કરી હતી
મીડિયા રિપોર્ટ પ્રમાણે, 1974માં એપલના કોફાઉન્ડર સ્ટીવ જોબ્સે એક પત્ર લખ્યો હતો. જેમાં તેમણે ભારત આવવાની ઇચ્છા વ્યક્ત કરી હતી. જોબ્સ કુંભ મેળામાં આવવા માગતા હતા, પરંતુ એવું થઈ શક્યું નહોતું. એવું માનવામાં આવી રહ્યું છે કે, જ્યારે તેમની વાઇફ લોરેન પોવેલ જોબ્સ તેમની ઇચ્છા પૂરી કરવા માટે ભારત આવી છે. સ્ટીવ જોબ્સે લખેલો આ પત્ર 4.32 કરોડ રૂપિયામાં વેચાયો છે.